Bjarni Helgason, blaðamaður á Morgunblaðinu skrifar skemmtilegan pistil í blað dagsins. Þar ræðir hann viðtal sem var Í Kastljósi, á RÚV í síðustu viku.
Þar var staða kvennafótboltans rædd en til viðtals voru Guðni Bergsson, formaður KSí og Margrét Lára Viðarsdóttir, ein besta knattspyrnukona sögunnar
,,Það áttu sér stað áhugaverðar samræður í Kastljósinu á RÚV hinn 4. desember síðastliðinn. Í settið voru mætt þau Margrét Lára Viðarsdóttir, fyrrverandi landsliðskona í knattspyrnu, og Guðni Bergsson, formaður KSÍ. Umfjöllunarefni þáttarins var kvennaknattspyrnan á Íslandi og hlutir sem mættu betur fara. Í þættinum var meðal annars rætt um þá vegferð sem kvennaknattspyrnan á Íslandi er á, U23 ára landslið kvenna og leiktíma í úrvalsdeild kvenna á síðustu leiktíð. Undanúrslitaleikur Hollands og Svíþjóðar á HM kvenna í Frakklandi síðasta sumar fór fram 3. júlí, á sama tíma og leikur Vals og Breiðabliks í úrvalsdeild kvenna sem var á þeim tíma stærsti leikur tímabilsins í kvennaboltanum. Óheppilegt,“ skrifar Bjarni í Morgunblað dagsins.
,,Eins og Margrét Lára benti réttilega á hefði einfaldlega átt að fresta mótinu aðeins svo leikmenn hefðu til dæmis tækifæri til þess að fara til Frakklands og fylgjast með HM. Að sama skapi geta félögin alltaf gert athugasemdir við mótafyrirkomulagið þegar KSÍ leggur fram drög að Íslandsmótinu.“
Bjarni ráðleggur stelpunum hér á landi hvað þær geti gert, til að na´fram breytingum og bætingum í boltanum hér heima.
,,Síðasta sumar var kvartað yfir dómgæslu í efstu deild kvenna. Eins og var réttilega bent á dæma ekki sömu dómarar í efstu deildum kvenna og karla. Aðeins félögin geta breytt þessu sjálf og á næsta ársþingi KSÍ fá stelpurnar tækifæri til þess að koma sínum málum á framfæri. Þar geta þær líka farið fram á það að bestu dómarar landsins dæmi í efstu deild kvenna.“
,,Íslenskar knattspyrnukonur þurfa að vinna betur með sínum félögum í þeim málefnum sem mega betur fara, aðeins þannig munu einhverjar breytingar til góðs eiga sér stað..“
