Imke Wubbenhorst þjálfari BV Cloppenburg er eina konan sem er að þjálfa í fimm efstu deildum Þýskalands í karla knattspyrnu.
Það hefur vakið athygli en Wubbenhorst tók við starfinu á síðasta ári.
Wubbenhorst var áður aðstoðarþjálfari hjá félaginu en tók við starfinu þegar þjálfari liðsins var rekinn. Hún er áfram að stýra liðinu tímabundið en gæti fengið starf til framtíðar.
Blaðamenn í Þýskalandi hafa sýnt þessu áhuga og hafa verið að mæta til að taka viðtöl við Wubbenhorst.
Einn blaðamaðurinn spurði Wubbenhorst hvort hún myndi bíða eftir því að leikmenn væru komnir í föt, áður en hún talaði við þá, fyrir leiki.
,,Að sjálfsögðu, ég legg upp úr fagmennsku í starfi og vel þá í liðið eftir typpastærð,“ sagði Wubbenhorst.
Svarið hefur vakið athygli enda var spurningin heimskuleg og svarið á sömu nótum.
