Íslenska karlalandsliðið vann gríðarlega mikilvægan sigur í kvöld er við spiluðum við Tyrki í undankeppni EM.
Ísland þurfti í raun á sigri að halda í leik kvöldsins til að minnka bilið í baráttunni um efstu tvö sæti riðilsins. Ísland mætti sterkt til leiks á Laugardalsvelli og var staðan fljótt orðin 2-0 fyrir strákunum.
Ragnar Sigurðsson gerði bæði mörk Íslands eftir fast leikatriði með stuttu millibili og staðan 2-0 í fyrri hálfleik. Undir lok hálfleiksins minnkuðu Tyrkir svo muninn með skalla eftir hornspyrnu og staðan í leikhléi 2-1.
Það var rólegra yfir leiknum í seinni hálfleik þar sem engin mörk voru skoruð og lokatölur 2-1 fyrir okkar mönnum. Ísland er nú með jafn mörg stig og Frakkar og Tyrkir en með verri markatölu í þriðja sæti riðilsins
Einnkunnir eru hér að neðan.
Byrjunarlið Íslands:
Hannes Þór Halldórsson 7
Sumir hefðu viljað sjá mann á fjærstöng í marki Tyrkja, þess utan þurfti Hannes lítið að gera en gerði það vel.
Hjörtur Hermansson 9
Staða hægri bakvarðar virðist ætla að vera í eigu Hjartar næstu árin, ef hann spilar svona þá getur hann bókað það.
Ragnar Sigurðsson 10 – Maður leiksins
Geggjuð tvö mörk, lúrði á fjær og kláraði vel. Stóð svo vaktina í hjarta varnarinnar fullkomlega. Frammistaða upp á 10.
Kári Árnason 8
Það má ekki gerast að Kári Árnason komi heim í Pepsi Max-deildina, eitt tímabil í viðbót úti til að halda sér í besta forminu ef liðið kemst á EM 2020.
Ari Freyr Skúlason (´69) 7
Mjög góð frammistaða Ara í dag, gerði alla varnarvinnuna rétt.
Aron Einar Gunnarsson 8
Fyrirliði þjóðar skildi allt eftir á vellinum í dag, tryggði gott jafnvægi innan liðsins.
Emil Hallfreðsson 8< /strong>
Kom mjög öflugur inn á miðsvæðið, færði ró yfir leik liðsins, bæði varnar og sóknarlega.
Jóhann Berg Guðmundsson (´79) 9
Þyngdin í fyrirgjöf Jóa í fyrra marki Ragnar var frábær, var mjög góður í fyrri hálfleik. Skapaði mikinn usla og hélt því áfram í seinni hálfleik.
Gylfi Þór Sigurðsson 9
Orð eru yfirleitt óþörf til að lýsa snilli Gylfa með landsliðinu, gjörsamlega magnaður drengur. Bestur í fótbolta í liðinu en líka sá maður sem leggur mest á sig, svo liðinu vegni vel.
Birkir Bjarnason 9
Besti landsleikur Birkis í tæp tvö ár, var alltaf hætulegur og hjál
Jón Daði Böðvarsson (64) 9
Gjörsamlega magnaður í þessum leik, hann gerði alla í kringum sig betri og var frábær sjálfur. Ekta Jóns Daða frammistaða.
Varamenn:
Kolbeinn Sigþórsson (´64) 7
Kom inn með fínan kraft en Ísland var minna að sækja eftir að Kolbeinn kom við sögu.
Hörður Björgvin Magnússn (´69) 6
Var pínu „shaky“ eftir að hann kom inn, Tyrkir herjuðu á hann og Hörður var í smá basli. Vann sig betur inn síðustu tíu mínúturnar.