Aron Einar Gunnarsson, fyrirliði Íslands er í toppstandi fyrir leikinn gegn Tyrkjum í undankeppni EM, á morgun.

,,Ástandið er gott, mér líður mjög vel þar sem ég hef verið í veseni. Þetta hefur verið góður tími að koma okkur í gang aftur,“ sagði Aron Einar.

Tyrkir eru með fullt hús stiga eftir þjá leiki, unnu sannfærandi sigur á Frökkum á laugardag. Ísland þarf sigur til að halda sér í baráttunni um að komast á EM.

,,Ég horfði á leikinn gegn Frökkum, það er mikil ork aí Tyrkum. Þeir líta vel út, við erum að fara að spila öðruvísi en Frakkar. Tyrkir líta vel út.“

Ísland vann fínan sigur á Albaníu á laugardag og er sjálfstraustið í liðinu.

,,Við þurftum á þessum leik að halda, við þurftum á því að halda að hafa þá svona fyrir framan okkur. Við fundum að þeir væru ekki að fara að brjóta okkur niður, okkur líður vel þannig. Sjálfstraustið í leiknum kom, við fórum aðeins of neðarlega. Okkur líður samt vel þar, þetta gefur sjálfstraust.“