

Jordan Pickford, markmaður Everton, skellti sér aðeins út á lífið um helgina eftir leik liðsins við West Ham.
Pickford er uppalinn hjá Sunderland og hann sneri aftur þangað og skemmti sér með vinum sínum.
Markmaðurinn lenti þó í vandræðum fyrir utan skemmtistað en þar áttu sér stað ansi harkaleg slagsmál.
Ekki er ljóst hvernig þessi slagsmál byrjuðu en myndband af þeim hefur verið birt á netið.
Everton er að rannsaka hvað átti sér stað og gæti Pickford verið í vandræðum hjá félaginu.
Pickford spilar mikilvægt hlutverk í liði Everton þar sem Gylfi Þór Sigurðsson er fastamaður á miðjunni.
Þeir léku báðir með liði Everton á laugardaginn er liðið vann sannfærandi 2-0 sigur á West Ham.
Hér má sjá myndband af slagsmálunum.
Jordan Pickford fighting like a nonce pic.twitter.com/rls9vcBV9e
— HeadzGone (@HeadzGone) 1 April 2019