Pep Guardiola, stjóri Manchester City er ekki sammála Jose Mourinho, stjóra Manchester United um að titilbaráttan sé búin á Englandi.
Mourinho gaf það út á blaðamannafundi í dag að United hefði sett stefnuna á að klára tímabilið í öðru sæti ensku úrvalsdeildarinnar.
City situr sem fyrr á toppi deildarinnar með 68 stig og hefur 15 stiga forskot á Manchester United sem er í öðru sæti deildarinnar.
„Þetta er ekki búið ennþá, það eru 13 leiki eftir af tímabilinu og 39 stig í boði,“ sagði Guardiola.
„Þetta er langt frá því að vera búið. Við eigum mjög erfiða leiki eftir. Það er t.d erfitt að spila gegn liðum eins og Burnley.“
„Við eigum eftir að spila gegn Stoke og Everton á útivelli og þetta eru erfið lið heim að sækja.“
„Við eigum leiki gegn Tottenham, Chelsea, United og Arsenal eftir þannig að þetta er langt frá því að vera búið,“ sagði Guardiola að lokum.
