Matt Adlard er 26 ára gamall maður sem er með tæplega fjögur hundruð þúsund fylgjendur á Instagram. Á samfélagsmiðlum gengur hann undir nafninu Topless Baker og er ávallt ber að ofan þegar hann bakar.
https://www.instagram.com/p/BoCWqdLF64R/
Matt ólst upp í litlum bæ á Englandi sem heitir Norwich og hjálpaði foreldrum sínum að reka veitingastað í bænum á uppvaxtarárunum, en faðir hans er Michelin-stjörnukokkur. Matt útskrifaðist úr háskólanum í Birmingham með gráðu í alþjóðaviðskiptum og flutti í kjölfarið til London til að skapa sér nafn í markaðsfræðum.
https://www.instagram.com/p/BiCwGbNFy22/
Það leið ekki á löngu þar sem hann komst að því að markaðsfræði væri ekki fyrir sig og byrjaði að baka í frítíma sínum. Hann æfði sig í heilt ár og tók síðan þátt í baksturskeppni. Honum til mikillar undrunar sigraði hann í keppninni með sítrónutertunni sinni. Eftir sigurinn stakk vinnufélagi hans upp á því að hann myndi opna bloggsíðu. Matt var hrifinn af hugmyndinni en fannst líka mjög gaman að mæta í ræktina. Þannig að hann ákvað að sameina þetta tvennt og baka alltaf ber að ofan.
https://www.instagram.com/p/Bh4YhVVFO3j/
Þetta hefur virkað svona líka vel og hefur hann náð athygli stjörnukokka á borð við Gordon Ramsay, sem fylgir bakaranum á Twitter.
https://www.instagram.com/p/BgZOgbcFRAk/
Ári eftir að Matt opnaði bloggsíðuna Topless Baker var hann orðinn svo vinsæll á internetinu að hann ákvað að hætta í föstu vinnunni sinni og helgaði sig blogginu. Þá er hann einnig með YouTube-rás þar sem hann birtir myndbönd vikulega.
Það er unun að horfa á Matt vinna því hann er svo ofboðslega fær í að skreyta kökur og er einkar laginn í að fríska upp á hefðbundnar uppskriftir.
Matt býr með kærustu sinni og hundi í Norwhich en ferðast regulega til London til að taka upp myndbönd fyrir YouTube-rásina.
https://www.instagram.com/p/BmqzaixlPDC/