Margir mæta ávallt með áfengi með sér þegar þeim er boðið í matarboð eða mannfagnað. Í lok kvölds vaknar upp þrálát spurning: Á ég að taka vínið með mér aftur heim eða skilja það eftir?
Einhverjir halda því fram að óskráða reglan sé að skilja vínið eftir á meðan aðrir telja það sjálfsagt að taka afganginn með sér heim. Finnst sumum það hin mesta ókurteisi þar sem gestgjafinn eigi að fá eitthvað fyrir sinn snúð fyrir að bjóða heim.
Enn öðrum finnst algjörlega sjálfsagt að mæta heim til gestgjafans daginn eftir til að endurheimta góssið.
En hvað finnst lesendum DV um þetta mál? Látið í ykkur heyra í skoðanakönnuninni hér fyrir neðan og skerum úr um þetta álitamál í eitt skipti fyrir öll.