Elísabet Bretadrottning er hrifin af hollum mat og borðar til dæmis fimm ávexti á dag. Tækni hennar til að borða banana hafa vakið heimsathygli, en sagt er frá henni í grein á INSIDER.
Að sögn Darren McGrady, sem starfaði eitt sinn sem konunglegi kokkurinn, borðar Elísabet banana með hníf og gaffli til að „líta ekki út eins og api.“ Kokkurinn segir frá matarvenjum drottningarinnar í bók sinni Eating Royally, en bananaátið staðfestir talsmaður kokksins í samtali við INSIDER.
Í bókinni fer Darren nákvæmlega yfir það hvernig drottningin meðhöndlar banana. Fyrst sker hún af honum topp og botn, sker síðan langsum eftir hýðinu til að auðvelt sér að taka það af, sker bananann í bita og borðar hann með gaffli. Flestir afhýða banana og borða hann með höndunum, líkt og apar gera.
Almennt séð er Elísabet ekki hrifin af mat sem er stútfullur af sterkju og forðast kartöflur, hrísgrjón og pasta í kvöldmat.