Það eru viss matvæli sem má alls ekki geyma í ísskáp, það er að segja ef þú vilt að þau endist eitthvað. Hér eru 29 matvæli sem best eru geymd utan ísskápsins.
Lárperan þroskast mun hraðar þegar hún er geymd við stofuhita, jafnvel vafin í pappír.
Best er að geyma basil við stofuhita með stilkana í vatni. Þetta virkar líka vel fyrir aðrar kryddjurtir.
Paprikan hættir að vera stökk þegar hún er geymd við lágt hitastig.
Best er að geyma kartöflur í pappírspoka og á stað sem er þurr og svalur. Alls ekki í ísskáp.
Það eru algeng mistök að setja gúrkuna beint í ísskáp en í raun gerir kælingin gúrkurnar vatnskenndar. Best er að vefja þeim í plastfilmu ef þú vilt geyma þær í ísskáp, annars bara geyma þær við stofuhita.
Það er nú þegar búið að skella fullt af hráefnum í súrar gúrkur svo þær geymist vel þannig að þær þurfa ekki á ísskáp að halda.
Hefurðu tekið eftir því að laukur verði linur í ísskápnum og myglar fljótt? Í þeim tilvikum er rakinn sökudólgur en laukur unir sér best á stað sem er svalur og þurr.
Sama gildir um hvítlauk eins og lauk. Hann verður gúmmíkenndur þegar hann er geymdur í ísskáp.
Góð vísa er aldrei of oft kveðin en tómatar halda besta bragðinu og eru hvað safaríkastir þegar þeir eru geymdir við stofuhita.
Bananar þurfa hlýrra loftslag til að þroskast sem þýðir að ísskápurinn er ekki staðurinn fyrir þá.
Það eru meiri líkur á að ber haldist fersk þegar þau eru geymd við stofuhita. Rakinn í ísskápnum hreinlega eyðileggur þau.
Geymið þá við stofuhita og fjarlægið strax þá ávexti sem byrja að mygla þar sem myglan er fljót að læsa klónum í hina ávextina.
Hér er matvæli sem er ekki vandlátt og má geyma það hvar sem er utan ísskápsins.
Þú getur geymt hnetusmjör við stofuhita í allt að þrjá mánuði. Þá ætti krukkan að klárast.
Ekki eyðileggja bragðið af hnetunum með því að geyma þær í ísskáp. Þær ættu að vera í lofttæmdu íláti á stað sem er ekki of heitur og ekki of kaldur.
Melónur ættu að vera geymdar við stofuhita á meðan þær eru heilar. Þegar búið er að skera þær er best að geyma þær í ísskápnum.
Ólífuolíu ætti að geyma á dimmum og svölum stað.
Það er í góðu lagi að geyma epli á borði í eina viku eða tvær.
Það er edik í „hot sauce“ svo hún geymist lengur. Aðeins rjómasósur þarf að geyma í ísskáp.
Sýran í tómatsósu verður til þess að óþarfi er að geyma hana í ísskáp. Tómatsósa heldur sér í mánuð við stofuhita en ef þú vilt eiga hana lengur þá er vert að setja hana í ísskápinn.
Þökk sé gerjun getur sojasósa verið geymd uppi í skáp svo mánuðum skiptir.
Þessu höfum við sagt frá áður en það er í góðu lagi að skilja smjör eftir við stofuhita í um viku svo það sé ávallt mjúkt og gott.
Það er í góðu lagi að frysta brauð en það verður þurrt og dauft þegar það er geymt í ísskáp.
Það eru mikil mistök að geyma bakkelsi í ísskáp. Best er að geyma þau í pappírspoka við stofuhita.
Ekki geyma súkkulaði í ísskáp nema þú viljir að það missi sitt dásamlega bragð. Geymdu það frekar á dimmum og þurrum stað.
Kaffi er best geymt í búrinu ef þú vilt fá besta bragðið.
Hér erum við að tala um harðan ost eins og til dæmis parmesan. Hann getur lifað við stofuhita í nokkra mánuði.
Þetta geymist utan ísskáps alveg þar til þú opnar dósina.
Þetta grænmeti missir sitt dásamlega bragð inni í ísskáp en það endist bara í nokkra daga við stofuhita. Best er að borða það strax.
