fbpx
Sunnudagur 20.janúar 2019
Matur

Keyrði tæplega 400 kílómetra með pítsu fyrir dauðvona mann

Lilja Katrín Gunnarsdóttir
Sunnudaginn 21. október 2018 17:30

Dalton og pítsan góða.

Dalton Shaffer er átján ára og vinnur á pítsastaðnum Steve’s Pizza í bænum Battle Creek í Michigan í Bandaríkjunum. Hann fór með frekar óvenjulega sendingu í vikunni, nefnilega alla leið til Indianapolis með tvær pítsur fyrir dauðvona mann. Dalton keyrði um 370 kílómetra með pítsurnar og var mættur til mannsins klukkan hálf þrjú um nóttina. Síðan keyrði hann aðra tæpa 400 kílómetra til baka og rétt náði morgunverkunum á bóndabænum sem hann vinnur einnig á.

Viðtakendur pítsanna voru hjónin Richard og Julie Morgan. Richard er dauðvona úr krabbameini og á aðeins nokkra daga eftir ólifaða. Þó hjónin búi nú í Indianapolis bjuggu þau í Battle Creek fyrir 25 árum síðan og hafa aldrei fundið betri pítsastað en Steve’s Pizza.

Julie og Richard.

„Við vorum ung og það var þröngt í búi en um hver mánaðarmót náði Rich í Steve’s-pítsu í kvöldmat,“ skrifar Julie á Facebook. „Ég get ekki lýst því hve gómsæt þessi pítsa er – en nokkrum flutningum og mörgum árum síðan höfum við ekki enn fundið betri pítsu. Rich segir oft um pítsur að þær séu góðar, en ekki eins góðar og hjá Steve’s,“ bætir hún við.

„Ég þurfti ekki að hugsa mig tvisvar um“

Julie og Richard ætluðu að gera sér glaðan dag í tilefni af afmæli Julie á dögunum og voru búin að skipuleggja ferð til Michigan. Þar ætluðu þau að njóta haustlitanna og auðvitað fá sér sneið af uppáhaldspítsunni sinni. Heilsu Richards hrakaði hins vegar skyndilega og þurftu þau að hætta við ferðina. Þá tók faðir Julie, David Dalke, málið í sínar hendur. Hann hringdi í Steve’s Pizza með það fyrir augum að fá pítsastaðinn til að senda fjölskyldunni skeyti eða skilaboð og hughreysta þau á þessum erfiðu tímum. Fyrrnefndur Dalton Shaffer svaraði í símann og snerti saga fjölskyldunnar við honum.

Hjónin ásamt börnum sínum.

„Á hinum endanum var Dave, faðir Julie. Hann sagði mér frá því sem var í gangi. Hann sagði mér að tengdasonur hans hefði verið sendur heim til að deyja,“ segir Dalton í samtali við TODAY Food. Í staðinn fyrir að skrifa niður nokkur vel valin orð fyrir fjölskylduna ákvað Dalton að spyrja Dave hver uppáhaldsálegg Julie og Richards væru. Hann vissi að hann þyrfti að keyra í marga klukkutíma til að komast til þeirra en lofaði að leggja í langferðina þegar pítsastaðurinn lokaði það kvöldið klukkan tíu.

„Ég þurfti ekki að hugsa mig tvisvar um. Ætli þetta hafi ekki verið skyndiákvörðun hjá mér,“ segir Dalton. „Þegar ég keyrði inn í innkeyrsluna klukkan 2.30 eða 2.40, var fjölskyldan að bíða eftir mér. Faðirinn var þarna og hann kom út og faðmaði mig,“ bætir hann við.

Agndofa og auðmjúk

Pítsurnar voru eins og gefur að skilja orðnar kaldar, en það skipti ekki höfuðmáli í þessu samhengi. Julie var himinlifandi yfir þessari fallegu hugsun.

„Ég er meira en agndofa og auðmjúk yfir þessu góðverki. Dalton færði fjölskyldu okkar svo mikla gleði – og bestu pítsu í heiminum – á þessum erfiða tíma,“ skrifar hún á Facebook.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Verðið lækkað á glæsiíbúð stjörnukokksins heitna: 50 milljón króna afsláttur

Verðið lækkað á glæsiíbúð stjörnukokksins heitna: 50 milljón króna afsláttur
Matur
Fyrir 2 dögum

Undur veraldar: Saurís er nýjasta æðið

Undur veraldar: Saurís er nýjasta æðið
Matur
Fyrir 2 dögum

Morgunverðarpítsa sem setur tóninn fyrir daginn

Morgunverðarpítsa sem setur tóninn fyrir daginn
Matur
Fyrir 2 dögum

Lágstemmd brúðarterta umdeildasta piparsveins í heimi

Lágstemmd brúðarterta umdeildasta piparsveins í heimi
Matur
Fyrir 3 dögum

Við vissum ekki að brokkolí væri svona gott: Hanna slær í gegn með einföldu ketó-salati

Við vissum ekki að brokkolí væri svona gott: Hanna slær í gegn með einföldu ketó-salati
Matur
Fyrir 3 dögum

Blandar þú áfengi saman við orkudrykki? Hættu því – Það er stórhættulegt

Blandar þú áfengi saman við orkudrykki? Hættu því – Það er stórhættulegt
Matur
Fyrir 3 dögum

Emmy Rossum gerir upp fortíðina: „Endalok á einhverju er byrjun á einhverju öðru“

Emmy Rossum gerir upp fortíðina: „Endalok á einhverju er byrjun á einhverju öðru“
Matur
Fyrir 4 dögum

Svona lítur detox-plan Gwyneth Paltrow út: Sjáið hvað er á bannlistanum

Svona lítur detox-plan Gwyneth Paltrow út: Sjáið hvað er á bannlistanum
Matur
Fyrir 4 dögum

Árás á bakara úr óvæntri átt: „Ég ætla sjálfur að hafa upp á henni og drepa hana“

Árás á bakara úr óvæntri átt: „Ég ætla sjálfur að hafa upp á henni og drepa hana“