Meghan Markle, hertogynjan af Sussex, er nú á ferð um Ástralíu ásamt eiginmanni sínum, Harry Bretaprins. Þau heimsóttu til að mynda bóndabæ í borginni Dubbo sem er rekinn af Woodley-fjölskyldunni fyrr í dag.
Meghan vakti mikla lukku í heimsókninni enda færði hún heimilisfólkinu heimabakað bananabrauð sem gjöf, en hún bakaði brauðið sjálf kvöldið áður. Ku brauðið hafa innihaldið súkkulaðibita og örlítið engifer, en Meghan færði bændunum einnig Fortnum- og Mason-te. Hér fyrir neðan má sjá myndir af veisluborðinu:
Meghan’s banana bread went down well! It has chocolate chips in and a bit of ginger (and I can personally attest to the fact that it is rather nice!) #Dubbo pic.twitter.com/LdmTN5F0ge
— Rebecca English (@RE_DailyMail) October 17, 2018
Visiting a farmrun by the Woodley family in Dubbo today, Meghan took a home made banana bread with her as a gift. It went quite quickly pic.twitter.com/K6CCjcvOvP
— Hannah Furness (@Hannah_Furness) October 17, 2018
Ástæðan fyrir því að Meghan færði bændunum brauð er sú að hún var alin þannig upp að færa fólki alltaf eitthvað þegar það er sótt heim. Hún hafði hins vegar áhyggjur af því að hún hefði sett of mikið af banönum í brauðið, en Harry er mikill bananamaður og náði að róa taugar eiginkonu sinnar.
Fréttir bárust af því í byrjun vikunnar að Meghan og Harry ættu von á sínu fyrsta barni, en það hefur ekki stoppað Meghan í að skoða Ástralíu og allt það sem hún hefur uppá að bjóða. Hafa hjónin meðal annars heimsótt grunnskóla og farið í lautarferð.
Og ef ske kynni að allt í einu gripi lesendur þörf að baka bananabrauð, þá eru tvær ólíkar en mjög góðar uppskriftir hér fyrir neðan:
Bananabrauð – Uppáhalds uppskriftin mín
Bananabrauð Röggu Nagla: Haframjöl – hugsað út fyrir hafragrautinn