fbpx
Fimmtudagur 18.apríl 2024
Fréttir

Jón Steinar kallaður fáviti, ógeð og kvikindi á lokaðri síðu – Nafngreinir þá sem níða hann

Ritstjórn DV
Föstudaginn 19. október 2018 09:03

Ekki missa af Helstu tíðindum dagsins í pósthólfið þitt

Lesa nánar

„Fyrir nokkrum dögum barst mér vitneskja um að fjallað hefði verið allmikið um óverðuga persónu mína á lokuðu vefsvæði á Fasbók,“ segir Jón Steinar Gunnlaugsson hæstaréttarlögmaður og fyrrverandi hæstaréttardómari.

Jón Steinar fjallar í aðsendri grein í Morgunblaðinu um ómakleg ummæli sem látin hafa verið falla um hann í hópnum „Karlar gera merkilega hluti“ á Facebook. Þar nafngreinir hann einstaklinga sem hafa kallað hann „ógeð“, „kvikindi“ og „viðbjóður“ svo dæmi séu tekin.

Varpar ljósi á ummælin

Jón Steinar segir að svo virðist vera sem Sóley Tómasdóttir, fyrrverandi forseti borgarstjórnar Reykjavíkur, hafi staðið fyrir stofnun svæðisins. Fer hann yfir reglur hópsins; um sé að ræða öruggt svæði fyrir konur og örfáa karla til að gera grín að feðraveldinu, fjölmiðlum sé óheimilt að fjalla um efnið o.s.frv.

„Ég aflaði mér aðgangs að svæðinu í því skyni að kynna mér hvað um mig hefði verið sagt. Þá kom í ljós að ekki höfðu verið gerðar við mig neinar gælur. Greinilegt var að rithöfundar síðunnar báru þungan hug til mín og hrakyrtu mig á marga vegu. Hvergi var samt að finna minnsta rökstuðning fyrir þessum málstað,“ segir Jón Steinar sem sem bendir á nokkur ummæli í grein sinni.

„Á svæðinu sá ég meðal annars eftirfarandi ummæli um mig: Maggý Helga Jóhannsdóttir Möller: „Megi hann fokka sér. Viðbjóður.“ Heiða Hrönn Sigmundsdóttir: „Hvílíkt ógeð sem þetta kvikindi er.“ Kristín Krantz: „Jón Steinar getur hoppað upp í rass.“ Undir þetta tóku Margrét Ágústsdóttir: „og tekið hina kallana með sér, hann kæmi nokkrum fyrir þar með sér“ og einnig Nína Vigdísardóttir Björnsdóttir. „Örugglega enda búinn að vera með hausinn þar svo árum skiptir.“ Þórlaug Borg Ágústsdóttir: „Mig minnti að þessi gaur væri fáviti. Það er alveg rétt munað.“ Steinunn Þorgerðar Friðriksdóttir: „Hver önnur ætlar að skála í kampavíni þegar þetta illfygliskarlagerpi hrekkur upp af, meina Jón Steinar.“

Sagður ofsækja konur

Jón Steinar segir að hann hafi eiginlega rekið í rogastans þegar hann sá þetta. „Ég hef reynt að viðhafa þá aðferð í lífinu að horfast í augu við það sem hendir mig og reyna að grafast fyrir um orsakir þess ef fólk beinir að mér skeytum. Ég reyndi því að ná sambandi við einhvern rithöfundanna til að bjóða þeim að hitta þá á fundi til að ræða afstöðu þeirra til mín og orsakir hennar. Það var til dæmis ekki útilokað að ég hefði gert eitthvað af mér sem hefði framkallað þessa óskemmtilegu afstöðu, en bara ekki áttað mig á því sjálfur.“

Í grein sinni segist hann hafa náð tali af einni sem í fyrstu vildi ekki kannast við ummæli sín. Segir Jón Steinar að hún hafi þó sagt að honum kæmi ekki við hvað sagt væri um hann í þeirra hópi. Þessu var þó ekki lokið, að sögn Jóns Steinars.

„Nú hófst ný bylgja athugasemda um mig á svæðinu góða. Nú var svo að sjá sem ég hefði beitt ofbeldi með því að hringja til að óska eftir að fá að hitta þetta hatursfólk mitt. Guðlaug María Pálsdóttir sagði þetta vera „ofbeldismannalegt“ og síðar að þetta væri „mjög basic ofbeldismanna stjórnunarhegðun“. Hildur Ósk: „Ojjj. Þetta er óhugnanleg hegðun hjá óhugnanlegum manni.“ Jóhanna Margrétardóttir: „Hann er fáv … (og örugglega með einhverjar beinagrindur inni í sínum skáp). Viktoría Júlía Laxdal og Kristín Johansen gerðu við mig gælur sem fólust í að kalla mig „kríp“. Elín Jakobína sagði „hversu kríp“. Jón Thoroddsen: „Jón Steinar er drullusokkur. Vona að þetta berist.“ Hildur Lilliendahl Viggósdóttir taldi mig „þurfa alvarlega að fokka“ mér. Ég hefði „ofsótt konur með símtalinu“. Og einnig: „Hann hefur ekki rassgat og þessi kúgunartaktík er svo ódýr og sorgleg.“

Hrollvekjandi

Svo segir Jón Steinar að Sóley Tómasdóttir hyggist efna til „empowerment“-fundar til að bregðast við „árás“ hans. Jón Steinar segir í grein sinni að hrollvekjandi sé að líta inn í hugarheim þeirra sem skrifa til hans á þennan hátt.

„Nú eiga sér stað umræður um hvort heimilt hafi verið að reka lektor frá Háskólanum í Reykjavík fyrir orð sem hann lét falla um samskipti karla og kvenna á lokuðu vefsvæði utan skólans. Um það fjallaði hann með almennum hætti án þess að nafngreina tilteknar persónur. Mér er ekki grunlaust um að sumir rithöfundarnir sem nefndir eru að framan hafi talið brottrekstur lektorsins réttlætanlegan. Ætli þeir leggi sjálfir fyrir sig eitthvað sem réttilega mætti kalla hatursorðræðu? Það er mínum dómi hrollvekjandi að fá að líta inn í hugarheim þeirra sem hér hafa talað til mín. Þetta er fólk sem greinilega kýs að taka enga ábyrgð á skoðunum sínum og tjáningu jafnvel þó að einhverjar þúsundir manna hlusti á. Og þeim sem formælingarnar beinast að kemur ekki við hvað um hann er sagt! Ég endurtek áskorun mína til þessa fólks um að mæta mér á opnum fundi til að ræða við mig um þennan óhugnanlega mann og aðferðirnar sem það hefur notað til að úthúða honum án þess að bera ábyrgð á því. Fundinn verður að halda áður en kampavínsveislan verður haldin því ég mun ekki fá tækifæri til að tjá mig neitt á þeirri hátíðarstundu. Tjáningarfrelsi mínu lýkur nefnilega við andlátið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Hvað má barnið heita? – Herkúles en ekki Boom

Hvað má barnið heita? – Herkúles en ekki Boom
Fréttir
Fyrir 10 klukkutímum

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala

Stefnir í miklar úrbætur á stöðu leigjenda á Íslandi – Þetta eru helstu skyldurnar sem munu falla á herðar leigusala