fbpx
Fókus

Stefán Karl lagður inn á sjúkrahús um helgina

Mein sem veldur þrengingum í gallvegi og brisgöngum fannst – Gengst undir aðgerð 4. október

Einar Þór Sigurðsson
Fimmtudaginn 22. september 2016 19:41

Leikarinn Stefán Karl Stefánsson var lagður inn á sjúkrahús um helgina vegna alvarlegra veikinda. Eiginkona hans, Steinunn Ólína Þorsteinsdóttir, greinir frá þessu á Facebook-síðu sinni. Þar segir hún að mein sem veldur þrengingum í gallvegi og brisgöngum hafi fundist en ekki er vitað á þessari stundu hvort meinið er illkynja eða góðkynja.

Stefán Karl mun gangast undir skurðaðgerð þann 4. október næstkomandi þar sem meinið verður fjarlægt. Steinunn Ólína segir að aðgerðin sem hann muni undirgangast, ef allt fer að óskum, sé flókin og vandasöm og að eftir hana taki við langt bataferli og lyfjameðferð ef þörf krefur.

„Góðu fréttirnar eru að ekki virðast vera nein merki um mein í öðrum líffærum á þessum slóðum eða annars staðar í líkamanum. Stefán er ungur og hraustur, aðeins 41 árs gamall, og það telst honum til tekna við þessar aðstæður svo að vonandi gengur þetta eins og ráðgert er,“ segir Steinunn Ólína sem bætir við að þessi tíðindi séu reiðarslag.

„Stefán er í góðum höndum færra lækna hér á Landspítalanum, með frábæran skurðlækni sem við erum heppin að enn er starfandi á Íslandi. Stefán liggur í Arionbankarúmi og með Lionsklúbbs-sjónvarp sér til skemmtunar 😉 Þökk hafi styrktaraðilar heilbrigðiskerfisins fyrir sínar gjafir því annars lægi fólk hér bara á gólfinu, horfandi í gaupnir sér. Hjúkrunarfræðingar og allt starfsfólk hér er svo elskulegt og gott við okkur að það hálfa væri nóg,“ segir Steinunn í opinni færslunni á Facebook.

„Við hjónin erum þeirrar gerðar að við eigum fáa nána vini en fjölmarga góða kunningja og við höfum reynt að láta sem flesta vita svo koma megi í veg fyrir flóknar furðusögur um veikindi eða ástand Stefáns, ég segi þetta að gefnu tilefni vegna fyrirspurna frá fjölmiðlum í dag. Stefán er þjóðþekktur maður og mörgum þykir vænt um hann, veit ég, og því er eflaust bara affarasælast að þessar fregnir komi frá fyrstu hendi,“ segir Steinunn.

Einar Þór Sigurðsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 13 klukkutímum

Petrína: „Það skiptir miklu máli fyrir þann veika að finna stuðning“

Petrína: „Það skiptir miklu máli fyrir þann veika að finna stuðning“
Fókus
Fyrir 13 klukkutímum

Mál­þing um brjósta­krabba­mein – Doktor Google & Google Maps

Mál­þing um brjósta­krabba­mein – Doktor Google & Google Maps
Fókus
Í gær

Þraut: Kettir eru víða – finnur þú köttinn á þessum myndum?

Þraut: Kettir eru víða – finnur þú köttinn á þessum myndum?
Fókus
Í gær

Markvissar aðgerðir í Hafnarfirði gegn hrakandi málþroska íslenskra barna

Markvissar aðgerðir í Hafnarfirði gegn hrakandi málþroska íslenskra barna
Fókus
Í gær

Hlemmur & Grandi mathöll efna til opinnar umræðu um götubitann

Hlemmur & Grandi mathöll efna til opinnar umræðu um götubitann
Fókus
Í gær

Julia Roberts falleg í bleiku – „Það erfiðasta sem ég hef gert er að treysta á sjálfa mig“

Julia Roberts falleg í bleiku – „Það erfiðasta sem ég hef gert er að treysta á sjálfa mig“