Gylfi Þór Sigurðsson var á skotskónum fyrir lið Everton í dag sem mætti Southampton í ensku úrvalsdeildinni.
Gylfi lagaði stöðuna fyrir Everton í 2-1 tapi í dag en hann skoraði eina mark gestanna í uppbótartíma.
Þetta var 55. mark Gylfa í ensku úrvalsdeildinni þar sem hann hefur leikið með Swansea, Tottenham og nú Everton.
Hann er orðinn markahæsti íslenski leikmaður deildarinnar ásamt Eiði Smára Guðjohnsen.
Eiður lék lengst með Chelsea í úrvalsdeildinni en stoppaði einnig hjá Tottenham, Fulham og Stoke.
Eiður skoraði 55 mörk á glæstum ferli á Englandi en Gylfi hefur nú jafnað það met og á nóg eftir.