Jose Mourinho var ekki vinsæll hjá mörgum leikmönnum Manchester United en hann var rekinn í desember.
Samband Mourinho og sumra leikmanna var ekki gott og þar á meðal markmannsins David de Gea.
Það kemur fram í the Times í dag en þar er greint frá því að De Gea hafi fengið nóg af Portúgalanum í lok síðustu leiktíðar.
De Gea var valinn leikmaður ársins hjá United og sagði Mourinho brandara á verðlaunaafhendingunni.
,,David á skilið þriðju verðlaunin… Hann er versti leikmaðurinn á æfingum. Þegar það er kalt og blautt þá ver hann ekkert,“ sagði Mourinho.
Samkvæmt Times þá fékk þessi brandari ekki góð viðbrögð og uppskar ekki mikinn hlátur.
Spánverjinn tók stoltur við verðlaununum en Mourinho gerði afar lítið úr því með þessum ummælum.