Paul Pogba, leikmaður Manchester United, stóð sig vel á HM í sumar og varð heimsmeistari með franska landsliðinu.
Framtíð Pogba hefur verið í umræðunni í sumar en hann er orðaður við sitt fyrrum félag, Juventus.
Tuttosport á Ítalíu greinir frá því í dag að Juventus hafi áhuga á að fá Pogba og eru tveir leikmenn liðsins að reyna að sannfæra miðjumanninn.
Þeir Paulo Dybala og Blaise Matuidi ræða reglulega við Pogba og hafa reynt að sannfæra hann um að snúa aftur.
,,Þú verður að koma aftur, þú verður að koma aftur!“ er haft eftir Matuidi sem spilaði með Pogba á HM.
Pogba var keyptur til Manchester United í ágúst 2016 en hann kostaði félagið 89 milljónir punda.