Þegar Þjóðverjinn Jurgen Klopp tók við liði Liverpool árið 2015 var framherjinn Andy Carroll dýrastur í sögu félagsins.
Carroll kom á sínum tíma til Liverpool frá Newcastle og kostaði 35 milljónir punda en hann stóð aldrei undir væntingum.
Klopp hefur verið duglegur að kaupa á þessum þremur árum og er Carroll nú sjöundi dýrasti leikmaður í sögu liðsins.
Liverpool tryggði sér markvörðinn Alisson Becker frá Roma í kvöld en hann er dýrasti markvörður sögunnar og kostar 67 milljónir punda.
Virgil van Dijk er dýrastur í sögu Liverpool en hann kostaði félagið 75 milljónir punda frá Southampton.
Þeir Alisson, Naby Keita, Mohamed Salah, Fabinho og Alex Oxlade-Chamberlain hafa einnig tekið fram úr Carroll á listanum.
