Rosenborg tryggði sér sæti í næstu umferð Meistaradeildar Evrópu í kvöld er liðið mætti Val í Noregi.

Rosenborg vann 3-1 sigur á Val í kvöld en Valsmenn höfðu betur í fyrri leiknum 1-0 og vinnur norska liðið því samanlagt 3-2.

Markið sem tryggði þeim norsku áfram kom í uppbótartíma úr vítaspyrnu eftir að dómari leiksins hafði dæmt hendi á leikmann Vals innan teigs.

Það eru allir að ræða þetta atvik í kvöld en það er óhætt að segja að dómurinn hafi verið mjög strangur.

Nicklas Bendtner steig á punktinn fyrir Rosenborg og skoraði þriðja mark liðsins í leiknum.

Hér fyrir neðan má sjá atvikið er vítaspyrnan var dæmd.

Here’s the Rosenborg penalty ?‍♂️ pic.twitter.com/upWxAILluX

— tam sellics son (@gibbygibbo1) 18 July 2018