Ólafur Jóhannesson, þjálfari Vals, varð öskuillur á hliðarlínunni í kvöld eftir leik Vals við Rosenborg í Noregi.
Rosenborg sigraði Val 3-1 í síðari leik liðanna í undankeppni Meistaradeildarinnar og fer samanlagt áfram, 3-2.
Markið sem tryggði Rosenborg áfram kom á 93. mínútu leiksins en Nicklas Bendtner skoraði þá eftir að mjög umdeild vítaspyrna hafði verið dæmd.
Óli missti sig þá aðeins á hliðarlínunni og virtist ásaka dómara leiksins um að hafa tekið við mútum.
Óli vakti athygli fyrr á árinu er hann greindi frá því að samið hafi verið um úrslit í leik Víkings og Völsungs árið 2013 og úr því varð mikil umræða.
Aron Elís Þrándarson, leikmaður Aalesund og fyrrum leikmaður Víkings, birti myndband af atviki kvöldsins á Twitter síðu sína.
Þar má sjá látbragð Óla eftir mark Rosenborg og segir Aron að þjálfarinn þurfi að sýna meiri þroska.
Atvikið má sjá hér.
Óli Jó þarf að vera aðeins þroskaðari en þetta, það eru til lélegir dómarar í heiminum. Alltaf farið i það að kenna mútum um. Valur fekk lika gefins víti, skandall samt sem áður pic.twitter.com/kuWVfS2ULu
— Aron Þrándarson (@aronthrandar) 18 July 2018
