Óháð því hvort á betur við þig, þá afhjúpar val þitt á sæng svolítið spennandi um svefn þinn og kannski um þig!
Þung sæng – hefur átt auknum vinsældum að fagna á síðustu árum og það er ekki að ástæðulausu. Þær virka nánast eins og eitthvað þung þrýsti á líkamann, eitthvað sem róar taugakerfið og lætur líkamann slappa af. Ímyndaðu þér tilfinninguna um að einhver haldi um þig en þó án þess að nokkur sé nærstaddur.
Margir sofna hraðar, sofa dýpri svefni og vakna betur hvíldir ef þeir sofa með þunga sæng. Ef þú glímir við margar hugsanir, óróa í líkamanum eða átt erfitt með svefn, þá getur þung sæng verið góð lausn.
Kjörþyngd þungrar sængur er venjulega 10-15% af líkamsþunga notandans. Ef hún er þyngri en það, þá áttu á hættu að finnast sængin vera of mikið af hinu góða og þá gerir hún lítið gagn.
Létt sæng – er eiginlega eins og ský, hún er létt og þú finnur bara ekki fyrir neinn þyngd frá henni. Ef þú glímir oft við að vera mjög heitt á nóttinni, svitnar eða bara elskar frelsistilfinningu, þá er létt sæng það sem hentar þér.
Léttar sængur eru oft fylltar með dún eða gerviefnum sem gera að verkum að þær anda vel og henta vel um sumar og í heitu svefnherbergi. Þess utan kemur stundum fyrir að maður vill ekki glíma við tilfinninguna af að vera „fastur“ undir sænginni.
En hvað segir val þitt á sæng um þig?
Þetta er auðvitað ekki heilagur sannleikur og kannski má greina smá húmor í þessu en það sakar ekki að nefna þetta.
Ef þú velur þunga sæng þá elskar þú öryggi, festu og kannski smávegis extra „hygge“ eins og danskurinn segir svo oft. Þú vilt gjarnan finnast að þú sért „innpakkaður“ þegar þú sefur, bæði andlega og líkamlega.
Ef þú velur létta sæng þá elskar þú frelsi, þér er oft heitt og þér líkar best við að ekkert íþyngi þér, hvorki í svefni né vöku.
