Þegar þú borðar morgunmat, sendir þú líkamanum skilaboð um að byrja orkunotkun dagsins. Ef þú borðar ekki morgunmat, þá heldur líkaminn áfram að vera í einhverskonar „næturástandi“ og efnaskiptin keyra í lágum gír. Þetta þýðir ekki að þú þurfir að setjast við hlaðborð á morgnana og úða í þig en smávegis prótín, trefjar og holl fita geta komið brennslunni í gang.
Þegar þú sveltir líkamann klukkustundum saman, þá bregst hann við með meiri hungurtilfinningu, löngun í mat og lélegri ákvarðanatöku. Þetta endar bara með að þú borðar of mikið í hádegismat, færð þér snarl seinnipartinn eða missir stjórn á þér í eldhúsinu klukkan 21. Stabíll morgunmatur heldur blóðsykrinum í jafnvægi og gerir þér auðveldara fyrir við að segja nei við óhollum freistingum.
Ef þig skortir orku frá upphafi, þá gætir þú fundið fyrir þreytu, lítilli einbeitingu, höfuðverk og skapsveiflum. Þetta hefur ekki bara áhrif á líkamann heldur einnig hvað þú velur, hvatninguna til að hreyfa þig og orkuna.
Þyngdartap snýst ekki bara um hitaeiningar, heldur hvernig þú borðar þær. Þrátt fyrir að þú „sparir“ kannski 300 hitaeiningar með því að sleppa morgunmatnum, þá getur það kostað þig andlega orku, brennslu og sjálfsstjórn. Það er einmitt þetta sem verður mörgum að falli.
En hvað á að borða til að auka líkurnar á þyngdartapi? Það getur til dæmis verið prótínríkur matur, egg, skyr, grísk jógúrt og kotasæla. Eitthvað með trefjum, það gæti verið hafrar, heilhveiti, ávextir og chíafræ.
