Það er ansi pirrandi þegar maður er á fullu í eldhúsinu við eldamennsku eða bara að drekka kaffibollann sinn, að fluga eða flugur séu sífellt á sveimi við andlitið, skurðarbrettið og matinn. Svo ekki sé nú minnst á þegar maður verður fyrir því að hinar örsmáu ávaxtaflugur geri sig heimakomnar í eldhúsinu. Það er nefnilega ekki svo auðvelt að losna við þær.

En til að halda flugunum fjarri, þá er gott ráð að fá sér basilíkum plöntu í eldhúsið. Þessi vellyktandi og góða kryddjurt, sem þú þekkir örugglega úr mörgum ítölskum réttum og ferskum sumarsalötum, er ekki bara góð í matinn, hún fælir líka flugur frá.

Flugur hafa mjög gott lyktarskyn og sterk lykt frá plöntum fer beint í nefið á þeim, á slæma hátt fyrir þær. Lyktin af basilíkum er sterk, ekki ósvipuð pipar, og þetta fellur flugum ekki. Einn eða tveir pottar með basilíkum í gluggakarminum geta dugað til að halda flugum frá eldhúsinu. Þetta á bæði við um húsflugur og ávaxtaflugur.