Mikal var dæmdur til dauða fyrir morðið á James Myers sumarið 2004, en Myers var lögregluþjónn. Hafði hann brotist inn á afskekkt sveitabýli Myers og fjölskyldu hans og skaut hann lögregluþjóninn til bana þegar hann varð hans var. Að því loknu bar hann eld að líkinu.
Hann játaði einnig á sig tvö önnur morð sem framin voru nokkrum dögum fyrr, þar á meðal á starfsmanni verslunar sem spurði hann um skilríki þegar hann reyndi að kaupa sér áfengi.
Mikal var handtekinn í Flórída en framseldur til Suður-Karólínu þar sem hann var dæmdur til dauða í desember 2006.
Í frétt AP kemur fram að þrír fangelsisstarfsmenn hafi framkvæmt aftökuna. Rúmri mínútu eftir að skotunum var hleypt af hætti Mikael að anda og var hann úrskurðaður látinn skömmu síðar.
Þetta er önnur aftakan í Bandaríkjunum á skömmum tíma sem framkvæmd er af aftökusveit, en þann 7. mars síðastliðinn var Brad Sigmon, fangi á dauðdeild í Utah, tekinn af lífi með sömu aðferð.
