Á fyrsta sólarhringnum, eftir að leikurinn var settur á markaðinn, seldust 4,5 milljónir eintaka af honum og 2,1 milljónir spiluðu leikinn samtímis á leikjaþjóninum Steam.
Kínverska tölvuleikjafyrirtækið Game Science gerði leikinn sem byggir á kínversku þjóðsögunni „Ferðin til Vesturlanda“ sem var skrifuð á sautjándu öld. Sagan fjallar um abakonunginn Sun Wukong sem getur breytt sér í manneskjur, dýr og dauða hluti. Sagan hefur verið uppspretta mörg hundruð kvikmynda, sjónvarpsþátta og teiknimynda í gegnum tíðina.
Rétt eftir að spilið var sett á markað kom fram að gagnrýnendur og leikmenn, sem streyma spili sínu beint, hafi fengið sendan lista yfir efni sem þeir mega ekki tala um í umfjöllun sinni eða þegar þeir streyma spili sínu beint.
Meðal þessara efna eru „femínskur áróður“, COVID-19, stjórnmál og kínverski tölvuleikjaiðnaðurinn. BBC skýrir frá þessu. Þetta varð strax mjög umdeilt í Kína og Evrópu og í Evrópu neituðu gagnrýnendur að fara eftir þessum reglum kínverskra stjórnvalda.
Kínverskir fjölmiðlar hafa lofsungið leikinn og sagt að hann muni „neyða vestræna leikjaspilara til að læra um kínverska menningu“ segir Reuters.
