fbpx
Sunnudagur 23.júní 2024
Pressan

Fékk áfall þegar hún komst að því hver innbrotsþjófurinn var

Pressan
Mánudaginn 10. júní 2024 19:30

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að Morgan Metzer hafi vaknað upp við skelfilega martröð aðfaranótt nýársdags árið 2021 þegar innbrotsþjófur braust inn á heimili hennar og beitti hana skelfilegu ofbeldi.

Morgan var barin, kyrkt og henni nauðgað og hélt hún að hennar síðasta stund væri runnin upp. Setning sem innbrotsþjófurinn lét út úr sér áður en hann hafði sig á brott vakti þó ákveðnar grunsemdir um að fyrrverandi eiginmaður hennar, Rodney Metzer, hefði þarna verið að verki.

Morgan var ein heima þegar atvikið átti sér stað og voru börn hennar tvö í fríi með aðstandendum. Hún vaknaði þegar innbrotsþjófurinn stóð í dyragættinni á svefnherbergi hennar, klæddur í Batman-búning og með grímu fyrir andlitinu.

Maðurinn réðst á Morgan með fólskulegu ofbeldi og þrengdi að öndunarvegi hennar með höndunum. Ofbeldið stóð yfir í 30 til 40 mínútur og rifjar Morgan upp í samtali við bandarísku útgáfu The Sun að hún hafi óttast mjög að deyja í árásinni.

Árásarmaðurinn dró Morgan svo hálfnakta út á veröndina fyrir framan húsið og lét út úr sér setningu sem vakti athygli hennar. Sagði hann eitthvað á þá leið að hún saknaði eflaust barnanna sinna og eiginmanns síns. „Það var þá sem ég hugsaði: „Vá, þetta er hann“. Af hverju myndi einhver segja að ég myndi sakna eiginmanns míns.“

Morgan var illa haldin eftir árásina, með mikla áverka á höfði og í andliti og segist hún hafa óttast hvað myndi gerast ef hún myndi sofna. Ekki löngu eftir árásina og áður en Morgan tókst að hringja eftir aðstoð birtist fyrrverandi eiginmaður hennar óvænt fyrir framan húsið.  Hann bjó skammt frá og útskýrði fyrir Morgan að einhver ókunnugur hefði knúið dyra á heimili hans og sagt honum að einhver hefði brotist inn til hennar.

Eðli málsins samkvæmt efaðist Morgan um þessa frásögn og sakaði hann um að hafa brotist inn. Rodney neitaði því staðfastlega og virkaði nokkuð sannfærandi þegar hann ræddi við Morgan eftir árásina og svo við lögreglu þegar hún kom á vettvang.

Lögreglu grunaði strax að Rodney hefði verið viðriðinn glæpinn og við húsleit á heimili hans fundust meðal annars alveg eins plastbönd og voru notuð til að binda hendur Morgan. Hann var handtekinn nokkrum klukkutímum eftir árásina. Frekari rannsókn lögreglu leiddi svo í ljós að Rodney hafði leitað upplýsinga á Google um hversu langan tíma það tekur að kyrkja einhvern þar til viðkomandi missir meðvitund og hversu langan tíma það tekur að svelta í hel.

Lögregla telur að Rodney hafi sett þessa atburðarás á svið til að vinna aftur hug fyrrverandi eiginkonu sinnar. Þau höfðu verið saman síðan þau voru unglingar; hún 14 ára og hann 16 ára og gengu þau í hjónaband árið 2010. Þau eiga saman tvíbura en skildu árið 2020, rúmu ári áður en Rodney réðist á fyrrverandi eiginkonu sína.

Það er skemmst frá því að segja að Rodney játaði sök í málinu og var dæmdur í 70 ára fangelsi. Hann þarf að sitja inni í 25 ár og mun afplána eftirstöðvar dómsins á skilorði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Milljarðamæringur byggir hús fyrir heimilislausa – 99 komin og fleiri á leiðinni

Milljarðamæringur byggir hús fyrir heimilislausa – 99 komin og fleiri á leiðinni
Pressan
Fyrir 2 dögum

Trumpaður út í Fox eftir viðtal við fyrrum þingforseta – „Enginn getur nokkurn tímann treyst Fox fréttastofunni“

Trumpaður út í Fox eftir viðtal við fyrrum þingforseta – „Enginn getur nokkurn tímann treyst Fox fréttastofunni“
Pressan
Fyrir 2 dögum

Kenning í máli unga mannsins sem hvarf á Tenerife gæti kollvarpað rannsókn málsins

Kenning í máli unga mannsins sem hvarf á Tenerife gæti kollvarpað rannsókn málsins
Pressan
Fyrir 2 dögum

4 ára stúlka fannst látin í skógi við hlið 6 ára slasaðrar systur sinnar

4 ára stúlka fannst látin í skógi við hlið 6 ára slasaðrar systur sinnar
Pressan
Fyrir 4 dögum

Fannst við strætóskýli – Gæti selst fyrir 5 milljarða

Fannst við strætóskýli – Gæti selst fyrir 5 milljarða
Pressan
Fyrir 4 dögum

Getur munnskolið þitt valdið krabbameini?

Getur munnskolið þitt valdið krabbameini?