fbpx
Laugardagur 02.mars 2024
Pressan

Vísindamenn smökkuðu sig áfram til að finna hinn fullkomna mat fyrir geimferðir

Pressan
Sunnudaginn 11. febrúar 2024 18:30

Hvaða matur hentar geimförum best.

Ekki missa af Helstu tíðindum dagsins í pósthólfið þitt

Lesa nánar

Það getur verið erfitt að tryggja að maður borði hollan og góðan mat hér á jörðinni og fái öll nauðsynleg næringarefni og það er enn erfiðara að gera það úti í geimnum, sérstaklega þegar kemur að löngum ferðum.

Góður árangur hefur náðst á síðustu árum við að rækta grænmeti í Alþjóðlegu geimstöðinni en það er allt annað en auðvelt að rækta grænmeti úti í geimnum og hvert einasta gramm af mat, sem er tekið með í geimför, bætist við þyngd þeirra og hefur áhrif á flug þeirra.

Live Science segir að vísindamenn hafi nýlega rannsakað hvaða næringarríku og ummálslitlu máltíðir henti fyrir langar geimferðir, til dæmis ferð til Mars. Þessar máltíðir þurfa að fullnægja næringarþörf geimfara og bragðast betur en þær máltíðir sem nú er boðið upp á í geimferðum.

Þeir gerðu tilraunir með 10 máltíðir til að sjá hverjar væru bestar fyrir karlkyns geimfara. Ætlunin er síðan að laga máltíðirnar að kvenkyns geimförum í framtíðinni. Besta máltíðin mun sjá til þess að geimfarar fá allar þær hitaeiningar og fjölbreyttu næringarefni sem þeir þurfa á ferðum sínum um geiminn, auk þess sem grænmeti verður ræktað í geimnum með lágmarksvatnsnotkun.

Þegar upp var staðið reyndist besta geimmáltíðin vera kjarnkálssalat að því er fram kemur í rannsókninni sem hefur verið birt í ACS Food Science & Technology. Höfundar rannsóknarinnar skrifa í henni að þetta sé mikilvægt skref varðandi það að gera langar geimferðir fýsilegar, til dæmis ferðir til Mars.

Næringarþörf geimfara er önnur en þeirra sem dvelja á jörðinni. Ástæðan er að geimfarar standa frammi fyrir mörgum streituvöldum, til dæmis titringi í geimfarinu, hávaða, þyngdarleysi, geimgeislum og miklum hitabreytingum. Niðurstöður rannsóknar benda til að karlkyns geimfari verði að borða um 1,2 kg af mat á dag til að viðhalda líkamsþyngd sinni og orku. Þessi matur þarf að innihalda rúmlega tvöfalt meira magn af kolvetni og prótíni en meðalmaðurinn þarf hér á jörðinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óttast misnotkun gervigreindar í kosningunum – Nú bregst Facebook við

Óttast misnotkun gervigreindar í kosningunum – Nú bregst Facebook við
Pressan
Fyrir 2 dögum

Myrti systur sína með samúræjasverði viku eftir að sonur hans var dæmdur í fangelsi fyrir morð

Myrti systur sína með samúræjasverði viku eftir að sonur hans var dæmdur í fangelsi fyrir morð
Pressan
Fyrir 3 dögum

Sökuð um að hafa myrt son sinn – Segist hafa lamið hann af því að Biblían heimili það

Sökuð um að hafa myrt son sinn – Segist hafa lamið hann af því að Biblían heimili það
Pressan
Fyrir 3 dögum

Dó úr of stórum skammti af D-vítamíni

Dó úr of stórum skammti af D-vítamíni
Pressan
Fyrir 4 dögum

Sagði fólki að borða morgunkorn á kvöldin til að spara – Sjálfur með 700 milljónir á ári

Sagði fólki að borða morgunkorn á kvöldin til að spara – Sjálfur með 700 milljónir á ári
Pressan
Fyrir 4 dögum

Prestur skotmark mafíunnar

Prestur skotmark mafíunnar
Pressan
Fyrir 4 dögum

Lögreglan beðin um að halda sig fjarri gleðigöngu í Sydney vegna morðmáls

Lögreglan beðin um að halda sig fjarri gleðigöngu í Sydney vegna morðmáls
Pressan
Fyrir 4 dögum

Vafasamur vinur – Stal 8 milljónum frá deyjandi vini sínum

Vafasamur vinur – Stal 8 milljónum frá deyjandi vini sínum