Silfurskottur eru meinlaus skordýr en hvimleið. Þær elska rakt og heitt umhverfi, til dæmis baðherbergi og eldhús. Þær eru hættulausar en eru pirrandi og geta eyðilagt hluti á borð við bækur, efni og ljósmyndir.

Það er hægt að takast á við þær með ýmsum aðferðum.

Silfurskottur þrífast í miklum raka og því getur tilvist þeirra verið merki um rakavandamál. Það er mikilvægt að finna uppsprettu rakans og loka fyrir hana.

Lykillinn að því að halda þeim fjarri er að lofta vel út. Best er að lofta vel út 2 til 3 á dag og láta trekkja vel í gegnum húsið í 5-10 mínútur, sérstaklega í rökum rýmum á borð við baðherbergi.

Það er líka mikilvægt að ryksuga reglulega og þurrka raka fleti. Ryksugaðu vel með fram listum og í rifum en þar fela silfurskottur sig oft.

Silfurskottur lifa meðal annars af sápuleifum, hveiti og sykri. Haltu sturtuklefanum, vaskinum og eldhúsinu þurru og hreinu.

Það getur líka verið gott að hreinsa niðurföll með blöndu af ediki og natróni því það eyðir lykt og ýmsum leifum.

Ef fyrrgreint dugir ekki til að losna við silfurskotturnar, þá er hægt að nota skordýraeitur.