Brúðkaup Samantha Hutchinson og Aric Hutchinson breyttist í sannkallað martröð þegar ölvaður ökumaður ók aftan á golfbíl, sem brúðarparið var að yfirgefa veisluna í, með þeim afleiðingum að Samantha lést. Tveir ættingjar þeirra, sem voru í golfbílnum, slösuðust lítillega og Aric slasaðist alvarlega.

Þetta gerðist fyrir þremur vikum í South Carolina. Nú hefur Aric höfðað mál á hendur ölvaða ökumanninum og nokkrum börum. CNN skýrir frá þessu.

Eftir því sem segir í stefnunni þá hafði ölvaði ökumaðurinn, hin 25 ára Jamie Lee Komoroski, verið á pöbbarölti áður en hún settist undir stýri. Hafði hún farið á nokkra bari.

Þrátt fyrir að hún hafi verið áberandi ölvuð héldu barþjónar áfram að selja henni áfengi og/eða leyfa henni að drekka áfengi á stöðunum segir í stefnunni. Einnig kemur fram að það sé á ábyrgð staðanna að hafna því að selja fólki áfengi ef það er greinilega ölvað.

Blóðsýni, sem var tekið úr Komoroski eftir slysið, sýndi að áfengismagnið í blóði hennar var þrefalt hærra en heimilt er.