Rangers hefur náð samkomulagi við Hearts um kaup á framherjanum Lawrence Shankland, samkvæmt BBC.
Shankland er 30 ára gamall og fyrirliði Hearts. Það er því áfall fyrir liðið að missa hann.
Framherjinn hefur skorað 88 mörk í 171 leik fyrir Hearts síðan hann kom til félagsins árið 2022 og hefur verið einn markahæsti leikmaður skosku úrvalsdeildarinnar undanfarin ár.
Shankland hefur einnig skorað fjögur mörk í 18 landsleikjum fyrir Skotland og er í HM-hópi þeirra í sumar.
Hearts var grátlega nálægt því að verða Skotlandsmeistari í ár. Liðið leiddi lengi vel í deildinni en tapaði í hreinum úrslitaleik gegn Celtic í lokaumferðinni.
Tómas Bent Magnússon var lykilmaður í liði Hearts á leiktíðinni, allt þar til hann meiddist á vormánuðum.
Rangers endaði í þriðja sæti, Evrópudeildarsæti.
