Poppkorn er einfaldlega óunnið heilkorn og einn skammtur af því getur innihaldið 70 prósent af ráðlögðum dagskammti af heilkorni auk þess sem mikið er af andoxunarefnum í poppkorni að sögn Joe Vinson, prófessors, sem stýrði rannsókninni sem var gerð hjá University of Scranton.
Í maísbaununum er mjög mikið af pólýfenól en það kom vísindamönnunum mjög á óvart. Pólýfenól er einnig að finna í rauðvíni, humlum og ávöxtum en það er andoxunarefni sem getur lækkað magn kólestróls í blóði og einnig haldið aftur af sumum tegundum krabbameins.
Pólýfenól er einnig í ávöxtum en af því að ávextir eru að stórum hluta vökvi glatar pólýfenólið eiginleikum sínum. Maískorn, einnig poppuð, innihalda aðeins 4 prósent vatn og það gerir poppkorn að nýju ofurfæði að sögn Svenske Dagbladet. Mesta innihald pólýfenóls er í skelinni, þessari sem festist gjarnan í tönnum, en ekki hvíta hlutanum sem flestum finnast bestir.
En það er auðvitað ekki góð hugmynd að drekkja poppinu í salti, smjöri eða olíu, þá er hollustan fokin út í veður og vind.
Greinin var fyrst birt í DV í júlí 2018 og er nú endurbirt því sjaldan er góð vísa of oft kveðin!