KCAL9 skýrir frá þessu. Fram kemur að mæðgurnar hafi boðið upp á „fegrunaraðgerðir“ á afturendum fólks á heimili sínu í Los Angeles. Rajpaul ákvað að nýta sér þessa þjónustu til að láta stækka rass sinn. Mæðgurnar dældu fljótandi silíkoni í rasskinnar hennar og lýsti Rajpaul þessu öllu á samfélagsmiðlum.
Mæðgurnar eru ekki með nein leyfi til að stunda aðgerðir af þessu tagi. Fljótandi silíkon getur blandast við blóð og valdið blóðtöppum. Rajpaul lést samdægurs á sjúkrahúsi í kjölfar aðgerðarinnar af völdum hjartavandamála.
Mæðgurnar lögðu á flótta undan lögreglunni en í byrjun ágúst hafði lögreglan uppi á þeim og handtók.
Þær eru sagðar hafa aflað sér viðskiptavina í gegnum Instagram og hafi stundað ólöglegar „fegrunaraðgerðir“.