fbpx
Fimmtudagur 23.september 2021
Pressan

Nýtt stefnumótaapp á markaðinn í Íran

Kristján Kristjánsson
Laugardaginn 24. júlí 2021 07:30

Nú geta þessar írönsku konur farið að nota stefnumótaapp. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Írönsk yfirvöld hafa sett nýtt stefnumótaapp á markaðinn en því er ætlað að hjálpa fólki, sem er ekki hrifið af því að foreldrar þess ákveði ráðahag þess, við að finna sér maka.

Íranska fréttastofan Fars skýrir frá þessu. Í Íran eru möguleikar ógifts fólks af báðum kynjum til að komast í samband við hvert annað ekki eins og í flestum öðrum löndum. Ástæðan er hin ströngu íslömsku lög sem gilda í landinu.

En tíðarandinn hefur breyst í landinu og margt ungt fólk hefur ekki áhuga á að ganga í hjónaband sem foreldrar þeirra og fjölskylda hafa skipulagt og vill ráða því sjálft hverjum eða hverri það gengur í hjónaband með.

Appið heitir Hamdam (sem þýðir maki) og í því er ungu einhleypu fólki gefin góð ráð í makaleitinni og notendurnir geta tekið sálfræðipróf sem appið notar síðan til að koma með tillögur um hverjir passa saman.

Það er ekki af góðmennsku einni saman  sem klerkastjórnin heimilar að appið sé sett á markað. Það eru áhyggjur af fæðingartíðninni sem eru drifkrafturinn en fæðingartíðnin hefur lækkað um 25% á síðustu fjórum árum og nú eignast hver írönsk kona 1,7 börn að meðaltali. Þetta hefur vakið áhyggjur um að eftir um 20 ár verði þjóðin ein sú elsta í heimi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Þúsundir fluttar frá heimilum sínum á La Palma

Þúsundir fluttar frá heimilum sínum á La Palma
Pressan
Fyrir 3 dögum

Telja sig hafa fundið lík Gabby Petito – Unnustinn grunaður og hans er nú leitað

Telja sig hafa fundið lík Gabby Petito – Unnustinn grunaður og hans er nú leitað
Pressan
Fyrir 3 dögum

Of mikill frítími eykur ekki vellíðan fólks

Of mikill frítími eykur ekki vellíðan fólks
Pressan
Fyrir 4 dögum

Bresk herskip héldu nýlega í fimm ára úthald

Bresk herskip héldu nýlega í fimm ára úthald