fbpx
Föstudagur 24.september 2021
Pressan

Vaxandi stuðningur við „rannsóknarstofukenninguna“ um uppruna kórónuveirunnar

Kristján Kristjánsson
Miðvikudaginn 21. júlí 2021 06:59

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandarískar leyniþjónustustofnanir vinna nú að rannsókn á uppruna kórónuveirunnar sem veldur COVID-19 og telja nú jafn líklegt að hún hafi átt uppruna sinn í rannsóknarstofu í Wuhan í Kína og að hún hafi orðið til í náttúrunni.

Í lok maí gaf Joe Biden, forseti, leyniþjónustustofnunum 90 daga frest til að rannsaka uppruna veirunnar og skila niðurstöðu. Þegar rannsóknin hófst var það ráðandi kenning að veiran hefði orðið til úti í náttúrunni og síðan borist í fólk. Á þeim tíma voru fáir þeirrar skoðunar að veiran hefði fyrir slysni sloppið út af rannsóknarstofunni í Wuhan. Nú telja margir, sem tengjast rannsókninni, jafn líklegt að hún hafi sloppið út af rannsóknarstofunni og að hún hafi orðið til úti í náttúrunni og borist í fólk með dýrum. CNN skýrir frá þessu.

Þetta er mikil breyting frá því á síðasta ári þegar margir höfnuðu því algjörlega að veiran gæti hafa sloppið út af rannsóknarstofunni og sögðu það bara vera enn eina samsæriskenninguna. Það gerði bandaríska leyniþjónustan CIA þá en nú segir CNN að það sé mat CIA að kenningin geti verið rétt. „Viðhorfið hefur breyst“ hefur CNN eftir heimildarmanni sem þekkir til rannsóknarinnar. En þetta þýðir ekki að leyniþjónustustofnanirnar séu nær því að leysa málið um uppruna veirunnar. Þrátt fyrir að kenningin um tengsl hennar við rannsóknarstofuna njóti meiri stuðnings en áður styðja álíka margir kenninguna um að veiran hafi komið beint úr náttúrunni.

CNN segir að fá sönnunargögn hafi fundist sem styðja aðra kenninguna frekar en hina. Enn bendi flest til að veiran hafi átt uppruna sinn úti í náttúrunni en á móti sé ekkert sem útilokar að hún hafi sloppið út frá rannsóknarstofunni fyrir slysni.

Tedros Adhanom Ghebreyesus, forstjóri Alþjóðaheilbrigðismálastofnunarinnar WHO, sagði nýlega að „rannsóknarstofukenningunni“ hefði verið hafnað of snemma og bað Kínverja um að leggja sitt af mörkum svo hægt sé að staðfesta uppruna veirunnar. „Kínverjar verða að veita okkur upplýsingar um hvernig staðan í þessum rannsóknarstofum var fyrir og eftir að heimsfaraldurinn braust út,“ sagði hann.

Kínverjar, sem hafa alla tíð neitað því að veiran hafi sloppið út úr rannsóknarstofunni, svöruðu WHO samdægurs og sögðust allt frá upphafi heimsfaraldursins hafa nálgast rannsóknina á uppruna veirunnar út frá vísindalegu, fagmannlegu og ábyrgu sjónarhorni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Morð á ungum kennara vekur úlfúð – Myrt er hún var á heimleið úr vinnunni

Morð á ungum kennara vekur úlfúð – Myrt er hún var á heimleið úr vinnunni
Pressan
Í gær

Notuðu dróna til að smygla byssu inn í fangelsi

Notuðu dróna til að smygla byssu inn í fangelsi
Pressan
Fyrir 2 dögum

Loksins hefur Boris Johnson staðfest hvað hann á mörg börn – „Ég skipti um margar bleiur“

Loksins hefur Boris Johnson staðfest hvað hann á mörg börn – „Ég skipti um margar bleiur“
Pressan
Fyrir 2 dögum

Staðfest að líkið er af Gabby Petito og að hún var myrt

Staðfest að líkið er af Gabby Petito og að hún var myrt
Pressan
Fyrir 3 dögum

Ítalir færast skrefi nær því að lögleiða hass

Ítalir færast skrefi nær því að lögleiða hass
Pressan
Fyrir 3 dögum

Sænski sóttvarnalæknirinn telur að ferðatakmarkanir muni verða í gildi í Svíþjóð í mörg ár

Sænski sóttvarnalæknirinn telur að ferðatakmarkanir muni verða í gildi í Svíþjóð í mörg ár