fbpx
Laugardagur 15.maí 2021
Pressan

Vara við ógn sem stafar af Kína og Rússlandi

Kristján Kristjánsson
Laugardaginn 1. maí 2021 17:00

Höfuðstöðvar MI6 í Lundúnum. Mynd:Wikimedia Commons.

Ekki missa af Helstu tíðindum dagsins í pósthólfið þitt

Lesa nánar

Vesturlönd verða að bregðast skjótt við ef Kínverjar eiga ekki að ná heimsyfirráðum og stjórna heiminum á tímum þar sem hátækni verður sífellt mikilvægari til að stýra heiminum. Þetta segja bresku leyniþjónusturnar MI6MI5 og GCHQ en þær hafa lengi haft áhyggjur af umsvifum og framferði Kínverja og Rússa.

The Times segir að Jeremy Fleming, yfirmaður GCHQ, hafi nýlega flutt ræðu á árlegri öryggisráðstefnu Imperial College. Í ræðu sinni kom hann skýrt á framfæri að Bretar verði að taka þá ógn sem stafar af Kína og Rússlandi á netinu alvarlega og að tækniþróun skipti sköpum um öryggi og velmegun Breta. Hann sagði að ógnin sem stafar af óvinveittum ríkjum fari sífell vaxandi.

Fyrr á árinu sagði breska ríkisstjórnin að Kína og Rússland væru óvinveitt ríki sem þurfi að halda aftur af. Ríkisstjórn Boris Johnson hefur lagt fram 10 ára áætlun um eflingu breska hersins, bæði hefðbundins herafla en ekki síður á tæknilega sviðinu og leyniþjónustusviðinu. Þetta á að gerast með náinni samvinnu leyniþjónustustofnanna þriggja, sem eru nefndar hér að ofan, og hersins.

„Netöryggi verður sífellt mikilvægara. Ef við gerum ekkert er ljóst að sú tækni, sem við munum treysta á í framtíðinni fyrir öryggi okkar og velmegun, verður ekki búin til og stýrt af Vesturlöndum,“ sagði Jeremy Fleming á fyrrnefndum fundi. Hann nefndi sérstaklega þróun skammtatölva og dulkóðunar til að tryggja öryggi Vesturlanda gagnvart tækniþróun Kínverja sem er mjög hröð.

Bæði MI5, sem sér um leyniþjónustustarfsemi innanlands, og MI6, sem sér um leyniþjónustustarfsemi erlendis, hafa að undanförnu haft uppi svipuð varnaðarorð og Fleming og hvatt til þess að tæknilegri uppbyggingu verði hraðað svo hægt sé að mæta þeim ógnum sem stafa af Kína og Rússlandi.

Af hálfu Rússa eru það innbrot í netkerfi og tölvur mikilvægra stofnana sem hafa vakið áhyggjur. Það sama á við um Kínverja en þar er vandinn einnig sá að Kínverjar þróa mikið af tækni sem við notum flest öll daglega.

Financial Times segir að Kínverjar hafi lagt til róttækar breytingar á uppbyggingu Internetsins og styðja Rússland og Sádi-Arabía þessar hugmyndir. Að mati gagnrýnenda myndu þessar breytingar hafa í för með sér að yfirvöld geti stýrt netnotkun almennings.

Ken McCallum, yfirmaður MI5, varaði á síðast ári við hættunni sem stafi af Kína og sagði Kínverja vera meiri ógn við breska hagsmuni en Rússar. Í síðustu viku birti MI5 tölur sem sýna að reynt hafi verið að fá rúmlega 10.000 breska embættismenn eða fólk frá öðrum ríkjum, sem hefur aðgang að leynilegum upplýsingum, til liðs við óvinveitt ríki. Kínverjar eru sagðir vera virkastir á þessu sviði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óhugnanlegt myndband: Hræðileg afleiðing þess að karlar ógnuðu konum

Óhugnanlegt myndband: Hræðileg afleiðing þess að karlar ógnuðu konum
Pressan
Í gær

Ný sönnunargögn gegn manninum sem grunaður er um að hafa myrt Madeleine McCann

Ný sönnunargögn gegn manninum sem grunaður er um að hafa myrt Madeleine McCann
Pressan
Fyrir 3 dögum

Ráðgátan vindur upp á sig – 50 lík hefur rekið á land

Ráðgátan vindur upp á sig – 50 lík hefur rekið á land
Pressan
Fyrir 3 dögum

Ísraelsmenn og Hamas skutu fjölda eldflauga í nótt – Segjast hafa drepið háttsetta Hamasliða

Ísraelsmenn og Hamas skutu fjölda eldflauga í nótt – Segjast hafa drepið háttsetta Hamasliða
Pressan
Fyrir 3 dögum

Það sem ekki átti að geta gerst gerðist – Var úti á miðri glerbrú þegar glerið fauk úr

Það sem ekki átti að geta gerst gerðist – Var úti á miðri glerbrú þegar glerið fauk úr
Pressan
Fyrir 4 dögum

Hlébarði hefur gengið laus nærri kínverskri stórborg í rúma viku

Hlébarði hefur gengið laus nærri kínverskri stórborg í rúma viku
Pressan
Fyrir 4 dögum

Heimsfaraldurinn leikur Indverja grátt og við bætist annar hryllingur – „Þetta er martröð ofan í faraldurinn“

Heimsfaraldurinn leikur Indverja grátt og við bætist annar hryllingur – „Þetta er martröð ofan í faraldurinn“
Pressan
Fyrir 4 dögum

NASA gagnrýnir Kínverja fyrir ábyrgðarleysi í geimnum

NASA gagnrýnir Kínverja fyrir ábyrgðarleysi í geimnum