fbpx
Laugardagur 04.desember 2021
Pressan

Miklar óeirðir í Hollandi þriðju nóttina í röð – Mótmæla sóttvarnaaðgerðum

Kristján Kristjánsson
Mánudaginn 22. nóvember 2021 05:02

Mótmælendur söfnuðust saman við knattspyrnuvöll. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Miklar óeirðir brutust út í nokkrum borgum og bæjum í Hollandi í gærkvöldi. Fólk safnaðist saman til að mótmæla hertum sóttvarnareglum í landinu. Til átaka kom á milli mótmælenda og lögreglu í Groningen, Leeuwarden, Enschede og Tilburg.

Í Enschede, sem liggur við þýsku landamærin, voru að minnsta kosti fimm handteknir fyrir að efna til óeirða og hvetja til ofbeldis segir í tilkynningu frá lögreglunni á Twitter.

Mótmælendur eru mjög ósáttir við nýjustu sóttvarnaraðgerðirnar sem ríkisstjórnin hefur gripið til í því skyni að reyna að halda aftur af heimsfaraldri kórónuveirunnar.

Í Groningen tókst óeirðalögregla á við marga litla hópa mótmælenda sem fóru um og unnu skemmdarverk.

Í Leeuwarden þurfti að stöðva knattspyrnuleik um tíma eftir að stuðningsfólk kastaði flugeldum inn á völlinn en það mátti ekki koma á leikinn vegna sóttvarnaaðgerðanna.

Óeirðirnar hófust á föstudaginn í Rotterdam en þar kveiktu mótmælendur í bílum og gámum og unnu skemmdarverk víða um borgina. 55 voru handteknir. Fjórir særðust þegar lögreglan beitti skotvopnum gegn mannfjöldanum.

Á laugardaginn brutust út mótmæli i Haag, Stein, Roermond og Urk. 48 voru handteknir í Urk. Urk er í því sem er stundum kallað hollenska biblíubeltið. Þar er frekar lítil þátttaka í bólusetningum vegna íhaldssamra trúarskoðana fólks.

Hollenska ríkisstjórnin greip til harðra sóttvarnaaðgerða í síðustu viku til að reyna að stemma stigum við útbreiðslu kórónuveirufaraldursins en smitum hefur fjölgað mikið í landinu síðustu vikur. Barir og veitingastaðir verða nú að loka snemma á kvöldin. Einnig er verið að íhuga að krefjast þess að fólk framvísi kórónupassa til að fá aðganga að mörgum stöðum. Það mun hafa í för með sér að óbólusettir fá ekki aðgang að þessum stöðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi
Pressan
Í gær

Ætlar þú að taka þátt í Whamageddon fyrir jólin? – Mikil áskorun

Ætlar þú að taka þátt í Whamageddon fyrir jólin? – Mikil áskorun
Pressan
Fyrir 2 dögum

Varar við minni virkni bóluefna gegn Ómíkron

Varar við minni virkni bóluefna gegn Ómíkron
Pressan
Fyrir 2 dögum

Þetta segir læknir að þú eigir að gera ef þú hefur áhyggjur af Ómíkrón afbrigðinu

Þetta segir læknir að þú eigir að gera ef þú hefur áhyggjur af Ómíkrón afbrigðinu
Pressan
Fyrir 2 dögum

Þrír nemendur skotnir til bana og átta særðir

Þrír nemendur skotnir til bana og átta særðir
Pressan
Fyrir 3 dögum

Bretar ætla að gefa fjórða skammtinn af bóluefni gegn kórónuveirunni

Bretar ætla að gefa fjórða skammtinn af bóluefni gegn kórónuveirunni
Pressan
Fyrir 3 dögum

Íbúð til leigu á 120 krónur á mánuði!

Íbúð til leigu á 120 krónur á mánuði!
Pressan
Fyrir 3 dögum

Átti erfitt með þvaglát – Ástæðan kom læknum gríðarlega á óvart

Átti erfitt með þvaglát – Ástæðan kom læknum gríðarlega á óvart