fbpx
Fimmtudagur 21.janúar 2021
Pressan

Bóluefnin eru ekki trygging fyrir að fólk fái ekki kórónuveiruna

Kristján Kristjánsson
Föstudaginn 8. janúar 2021 20:30

Bóluefni frá Pfizer. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bóluefnum gegn kórónuveirunni, sem veldur COVID-19, hefur verið lýst sem vendipunkti í baráttunni við heimsfaraldurinn. En það að fá bólusetningu er ekki trygging fyrir að fólk smitist ekki af veirunni.

Nú þegar er byrjað að bólusetja með bóluefninu frá Pfizer og BioNTech hér á landi og stutt er í að byrjað verði að bólusetja með bóluefni frá Moderna. Virkni beggja bóluefnanna er um 95% sem er mjög gott að sögn sérfræðinga. En þótt allir láti bólusetja sig kemur það ekki í veg fyrir að fólk smitist.

Þetta sagði Morten Andersen, lyfjafræðingur og prófessor við Kaupmannahafnarháskóla, í samtali við Ekstra Bladet. „Að bóluefni hafi 95% virkni þýðir að maður dregur úr COVID-19-tilfellum um 95% miðað við fjöldann sem vænta má,“ sagði hann.

Í þróun bóluefnisins frá Pfizer tóku 36.000 manns þátt. Helmingurinn fékk bóluefnið og helmingurinn lyfleysu. Af þeim sem fengu lyfleysu fengu 162 einkenni COVID-19 á tilraunatímanum. Af þeim sem fengu bóluefnið fengu 8 einkenni COVID-19. Þetta svarar til þess að af þeim sem fengu bóluefnið smituðust 95% færri en af þeim sem fengu lyfleysu. Út frá þessu eru áhrif bóluefnisins reiknuð.

Hann sagði jafnframt að bóluefni geti ekki verið 100% virk, það er komið í veg fyrir öll smit. Það sama kemur fram á upplýsingasíðu ESB um bóluefni og bólusetningar.

Ýmsir þættir geta haft áhrif á hversu vel bóluefni virka á hvern og einn. Andersen sagði að til dæmis geti aldur viðkomandi skipt máli og ónæmiskerfi hvers og eins geti einnig haft áhrif. Eldra fólk bregðist síður við bóluefni og því megi vænta þess að bóluefni hafi minni virkni á eldra fólk.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hryllingurinn í ísbúðinni – „Hef aldrei upplifað neitt þessu líkt“

Hryllingurinn í ísbúðinni – „Hef aldrei upplifað neitt þessu líkt“
Pressan
Í gær

Trump sagður ætla að náða Steve Bannon – Uppfært

Trump sagður ætla að náða Steve Bannon – Uppfært
Pressan
Fyrir 2 dögum

„Ef Evrópa heldur að innflytjendur séu vandamál núna – bíðið þar til eftir 20 ár“

„Ef Evrópa heldur að innflytjendur séu vandamál núna – bíðið þar til eftir 20 ár“
Pressan
Fyrir 2 dögum

Indverjar ætla að bólusetja 300 milljónir manna fyrir júlí

Indverjar ætla að bólusetja 300 milljónir manna fyrir júlí
Pressan
Fyrir 3 dögum

Frans páfi breytir lögum kaþólsku kirkjunnar til að konur geti gegnt stærra hlutverki – Mega þó ekki vera prestar

Frans páfi breytir lögum kaþólsku kirkjunnar til að konur geti gegnt stærra hlutverki – Mega þó ekki vera prestar
Pressan
Fyrir 3 dögum

COVID-19 hefur mikil áhrif á starfsfólk á gjörgæsludeildum – Helmingurinn hefur leitað í áfengi eða haft sjálfsvígshugsanir

COVID-19 hefur mikil áhrif á starfsfólk á gjörgæsludeildum – Helmingurinn hefur leitað í áfengi eða haft sjálfsvígshugsanir