Mánudagur 08.mars 2021
Pressan

Vísindamenn telja sig komna nær því að skilja fólk sem heyrir raddir látinna

Kristján Kristjánsson
Fimmtudaginn 21. janúar 2021 05:51

Ekki missa af Helstu tíðindum dagsins í pósthólfið þitt

Lesa nánar

Miðlar segjast geta heyrt hljóð og orð frá látnu fólki. Nú hafa vísindamenn við Northumbria háskólann í Bretlandi kafað ofan í þetta til að reyna að öðlast meiri skilning á af hverju miðlar telja sig heyra í látnu fólki. Þeir kortlögðu persónuleika miðla til að sjá hvort eitthvað einkenndi hann.

Vísindamennirnir vildu einnig komast að því af hverju fólki, til dæmis miðlum, finnst það ekki stressandi að heyra í látnu fólki og telja það frekar vera andlega upplifun. Þeir höfðu í huga að fólk sem þjáist af geðklofa bregst allt öðruvísi við þegar það telur sig heyra í látnu fólki. ScienceAlert skýrir frá þessu.

65 miðlar, sem eru félagar í landssamtökum breskra miðla, og 143 aðrir, sem fundust í gegnum samfélagsmiðla, tóku þátt í rannsókninni sem beindist að því að kortleggja muninn á svokölluðu „andlega sinnuðu fólki“ og meðalmanninum sem heyrir ekki í látnu fólki.

44,5% af þeim andlega sinnuðu heyrðu raddir látinna daglega en 79% sögðu að raddir hinna látnu væru hluti af hversdagslífinu. Meirihlutinn heyrði raddirnar í höfði sér en 31,7% heyrði þær einnig berast úr umhverfinu.

Í samanburði við aðra var hinum andlega sinnuðu slétt sama um skoðanir annarra á þeim og trúðu frekar á yfirskilvitlega hluti. Þetta segja vísindamenn geta verið skýringu á af hverju andlega sinnaða fólkið hafði ekki leitað sér sálfræðiaðstoðar til að draga úr ofskynjununum.

Það einkenndi einnig þá andlega sinnuðu að þeir höfðu haft óvenjulegar upplifanir með heyrn sína í æsku, þeir voru líklegri til að heyra ofheyrnir og áttu auðveldar með að hverfa inn í eigin heim þegar þeir voru að fást við verkefni og áttu þá erfiðara með að hafa yfirsýn yfir umhverfi sitt. „Meðalmaðurinn“ trúði frekar á yfirskilvitlega hluti ef hann hafði þessa sömu tilhneigingu til að hverfa inn í eiginn heim.

ScienceAlert segir að vísindamennirnir segi að niðurstöðurnar bendi til þess að fólk, sem telur sig hafa miðilshæfileika, geri það til að finna skýringar á sérstökum upplifunum sínum.

Rannsóknin hefur verið birt í vísindaritinu Mental HealthReligion and Culture. Hún getur að mati vísindamannanna komið að gagni við að öðlast betri skilning á ofskynjunum sem tengjast andlegum veikindum á borð við geðklofa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Segja að rafbílar séu miklu umhverfisvænni en bensín- og dísilbílar

Segja að rafbílar séu miklu umhverfisvænni en bensín- og dísilbílar
Pressan
Fyrir 2 dögum

Nú verður ekki aftur snúið – Ólympíuleikarnir verða haldnir í Tókýó í sumar

Nú verður ekki aftur snúið – Ólympíuleikarnir verða haldnir í Tókýó í sumar
Pressan
Fyrir 3 dögum

Sérfræðingur óttast að kórónuveirufaraldurinn í Brasilíu opni dyrnar fyrir enn hættulegri stökkbreytt afbrigði

Sérfræðingur óttast að kórónuveirufaraldurinn í Brasilíu opni dyrnar fyrir enn hættulegri stökkbreytt afbrigði
Pressan
Fyrir 3 dögum

Þriðja bylgja faraldursins er skollin á Stokkhólmi

Þriðja bylgja faraldursins er skollin á Stokkhólmi
Pressan
Fyrir 3 dögum

Gríðarleg orkunotkun við gröft eftir bitcoin – Næstum jafn mikil rafmagnsnotkun og heildarnotkun Svía

Gríðarleg orkunotkun við gröft eftir bitcoin – Næstum jafn mikil rafmagnsnotkun og heildarnotkun Svía
Pressan
Fyrir 4 dögum

Verða bóluefnin gagnslaus? – Undirbúa sig undir það versta

Verða bóluefnin gagnslaus? – Undirbúa sig undir það versta
Pressan
Fyrir 4 dögum

Biden segir að fyrir maílok verði nóg af bóluefnum fyrir alla fullorðna

Biden segir að fyrir maílok verði nóg af bóluefnum fyrir alla fullorðna
Pressan
Fyrir 4 dögum

Einn skammtur af bóluefninu frá AstraZeneca eða Pfizer veitir eldra fólki góða vörn

Einn skammtur af bóluefninu frá AstraZeneca eða Pfizer veitir eldra fólki góða vörn