Vaxandi áhyggjur eru af framboði á kaffibaunum eftir að víetnömsk stjórnvöld gripu til takmarkana á ferðum fólks vegna heimsfaraldurs kórónuveirunnar. Það var gert til að reyna að draga úr útbreiðslu Deltaafbrigðis veirunnar.
The Guardian segir að flutningskeðjur hafi rofnað eftir að Víetnam, sem er annar stærsti útflytjandi kaffis í heiminum, herti sóttvarnaaðgerðir i höfuðborginni Ho Chi Minh City og setti á ákveðnar takmarkanir á sumum kaffiræktarsvæðum í miðju landinu.
Samtök víetnamskra kaffiframleiðenda hafa hvatt ríkisstjórnina til að slaka á sóttvarnaaðgerðunum í ljósi þess að erfitt hefur verið að koma kaffibaunum til hafna landsins.
Sóttvarnaaðgerðir voru settar á í júní í Ho Chi Minh City og í ágúst voru þær hertar enn frekar þar sem Deltaafbrigði veirunnar hefur sótt mjög í sig veðrið.
