Á tíunda áratugnum öðlaðist Maitland Ward frægð fyrir leik sinn í fjölskylduþáttunum Boy Meets World sem Disney framleiddi. Það vakti því að vonum mikla athygli þegar hún ákvað að segja skilið við Hollywood til að hasla sér völl í klámiðnaðinum. Nú er hún að skrifa ævisögu sína en hún á að koma út á næsta ári.

New York Post skýrir frá þessu. Bókin heitir „My Escape From Hollywood: Why I Left to Become a Porn Star“.

„Í upphafi skrifaði ég nokkra mjög skemmtilega kafla um upplifanir mínar í klámiðnaðinum, þeir minna mjög á „Sex & the City“,“ hefur New York Post eftir henni.

Ward, sem er orðin 44 ára, sagðist skrifa bókina ein. Hún sagði jafnframt að stuðningur frá öðrum konum hafi verið henni mikil hvatning til að skrifa bókina. „Konur segja að ég hafi öðlast kynfrelsi. Það hefur haft mjög mikil áhrif á mig hversu mikinn stuðning ég hef fengið frá Y-kynslóðinni.