Föstudagur 05.mars 2021
Pressan

Brúðkaupinu aflýst eftir dramatískar vikur – Kynlífshneyksli stjörnunnar er ástæðan

Kristján Kristjánsson
Mánudaginn 11. janúar 2021 22:03

Mitchell Pearce á vellinum. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Það er óhætt að segja að síðustu vikur hafi verið dramatískar og afdrifaríkar fyrir ástralska ruðningsleikmanninn Mitchell Pearce sem leikur með Newcastle Knights. Kynlífshneyksli hafði alvarlegar afleiðingar fyrir hann sem íþróttamann en einnig í einkalífinu því hann neyddist til að aflýsa brúðkaupinu sínu á síðustu stundu.

News.com.au skýrir frá þessu. Hremmingar Pearce hófust þegar skýrt var frá því að hann hefði sent fjölda óviðeigandi skilaboða, skilaboð með kynferðislegu innihaldi, til ungrar konu sem starfar hjá Newcastle Knights.

Eftir einn leik liðsins stillti Pearce sér upp fyrir framan fjölmiðlamenn og las upp yfirlýsingu en svaraði engum spurningum. Í yfirlýsingunni sagði hann aðeins að síðustu vikur hefðu verið dramatískar fyrir hann og einkalíf hans og þá sem hann elskar.

Hann neyddist síðan til að aflýsa brúðkaupi sínu og unnustunnar Kristin Scott en 150 ættingjum og vinum hafði verið boðið í það. Þegar fréttir bárust af því að brúðkaupinu hefði verið aflýst sagði Pearce fréttamönnum í fyrstu að ástæðan væri heimsfaraldur kórónuveirunnar en síðan kom sannleikurinn í ljós.

„Því miður hefur það sem ég gerði haft áhrif á liðið og ekki síður á þá sem standa mér næst, Kristin og fjölskylda mín,“ sagði Pearce þá.

Hann hefur nú skilað inn fyrirliðabandinu hjá liði sínu en hann hefur leikið með því síðan 2018.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Metfjöldi dauðsfalla í Brasilíu í gær

Metfjöldi dauðsfalla í Brasilíu í gær
Pressan
Fyrir 2 dögum

Frakkar breyta um stefnu og ætla að bólusetja eldra fólk með bóluefni AstraZeneca

Frakkar breyta um stefnu og ætla að bólusetja eldra fólk með bóluefni AstraZeneca
Pressan
Fyrir 4 dögum

Harðar sóttvarnaaðgerðir í Tékklandi – Forsætisráðherrann viðurkennir „allt of mörg mistök“

Harðar sóttvarnaaðgerðir í Tékklandi – Forsætisráðherrann viðurkennir „allt of mörg mistök“
Pressan
Fyrir 4 dögum

Þetta eru staðirnir þar sem mesta hættan er á að smitast af kórónuveirunni

Þetta eru staðirnir þar sem mesta hættan er á að smitast af kórónuveirunni