fbpx
Fimmtudagur 01.október 2020
Pressan

Nokkrar algengar samsæriskenningar um kórónuveiruna

Kristján Kristjánsson
Þriðjudaginn 15. september 2020 05:43

Sitja þessir og semja samsæriskenningar um veiruna?

Ekki missa af Helstu tíðindum dagsins í pósthólfið þitt

Lesa nánar

Þegar erfiðleikar steðja að hefst sannkallað góðæri hvað varðar samsæriskenningar. Með tilkomu samfélagsmiðla varð dreifing slíkra kenninga mun auðveldari en áður og frá upphafi heimsfaraldurs kórónuveirunnar hafa margar samsæriskenningar verið á lofti í tengslum við faraldurinn og uppruna veirunnar.

Nokkrar af algengustu og kannski vinsælustu kenningunum eru:

Kórónuveiran er lífefnavopn. Í upphafi faraldursins var það mjög útbreidd kenning að veiran hefði verið búin til í rannsóknarstofunni Wuhan Institut for Virologi í Wuhan í Kína en fyrstu tilfelli veirunnar komu fram í borginni. Í rannsóknarstofunni er unnið að rannsóknum á sjúkdómum úr dýrum, til dæmis leðurblökum. Á undanförnum árum hefur bandaríska sendiráðið í Peking nokkrum sinnum viðrað áhyggjur sínar af öryggismálum rannsóknarstofunnar. Bæði Washington Post og BBC hafa skýrt frá því.

Donald Trump, Bandaríkjaforseti, hefur kynt undir þessari kenningu með því að segja að „undarlegir hlutir“ hafi átt sér stað í tengslum við faraldurinn.

Tilgangurinn með veirunni, á samkvæmt samsæriskenningum, að vera að hún verði notuð sem lífefnavopn. Útgáfur kenningarinnar eru margvíslegar og eru það yfirleitt Bandaríkjamenn eða Kínverjar sem stóðu á bak við þróun hennar.

Kórónuveiran er skálkaskjól fyrir eftirlit. Önnur vinsæl kenning gerir út á óttann við bóluefni gegn veirunni. Þeir sem aðhyllast þessa kenningu telja að kórónuveiran sé uppspuni til að hrinda í framkvæmd bólusetningum á fólki og að í bóluefninu verði örflögur sem geri að verkum að hægt verður að fylgjast með öllu sem fólk gerir. Í mörgum útgáfum er Bill Gates, stofnandi Microsoft, vondi karlinn og er hann sagður vilja koma fyrrnefndum örflögum í fólk. BBC skýrði frá því að samkvæmt könnun, sem var gerð í Bandaríkjunum, telji 28% Bandaríkjamanna að bólusetningar vegna kórónuveirunnar séu hugsanlega skálkaskjól fyrir fyrirætlanir Gates um að koma örflögum fyrir í allri þjóðinni.

Er þetta yfirvarp til að auka eftirlit með okkur? Mynd úr safni.

Kórónuveirunni er dreift af fólki sem er tilbúið með bóluefni. Önnur vinsæl kenning varðandi bólusetningar vegna veirunnar er að lyfjafyrirtæki hafi þróað veiruna til að græða peninga á bólusetningum með bóluefni sem er nú þegar tilbúið til notkunar. Stuðningsmenn kenningarinnar hafa haldið á lofti einkaleyfi, sem breska The Pirbright Institute fékk 2018, en í því kemur orðið kórónuveira fyrir. Þetta segja þeir að sanni að bóluefni sé nú þegar tilbúið til notkunar og að lyfjafyrirtæki standi á bak við heimsfaraldurinn.

Er bóluefnið tilbúið eins og samsæriskenningar segja?

Kórónuveiran tengist 5G. Árið 2003 var 3G farsímakerfið tekið í notkun en það sama ár braust SARS-faraldurinn út. Árið 2009 var 4G tekið í notkun og þá braust svínainflúensan út. 2020 er það ár sem 5G er tekið í notkun og þá er það kórónuveiran. Í hugum margra samsæriskenningasmiða getur þetta aðeins þýtt að kórónuveiran sé afleiðing geislunar frá 5G farsímakerfinu. Kenningin gengur meðal annars út á að geislar frá 5G veiki ónæmiskerfi fólks og því smitist það frekar. Önnur útgáfa kenningarinnar gengur út á að sjúkdómurinn smitist ekki endilega manna á milli heldur með 5G-farsímakerfinu.

Það er engin kórónuveira. Þeir sem aðhyllast þessa kenningu telja að kórónuveiran sé ekki til eða að hún sé ekki eins hættuleg og yfirvöld segja. Til að styðja þessa kenningu hafa margar myndir verið birtar af tómum sjúkrahúsum. Hugsunin á bak við þetta allt saman er að mati samsæriskenningasmiða að stjórnvöld hafi skipulagt þetta allt til að notfæra sér stöðuna til að auka eftirlit með fólki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Í gær

Þetta var bara geggjað

Þetta var bara geggjað
Pressan
Í gær

Fyrstu kappræður Trump og Biden eru í kvöld – Skattamálin verða væntanlega ofarlega á baugi

Fyrstu kappræður Trump og Biden eru í kvöld – Skattamálin verða væntanlega ofarlega á baugi
Pressan
Í gær

Telur að sænskur kafbátur hafi siglt á Estonia og sökkt ferjunni

Telur að sænskur kafbátur hafi siglt á Estonia og sökkt ferjunni
Pressan
Fyrir 2 dögum

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna
Pressan
Fyrir 2 dögum

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Fyrir 2 dögum

Fundu „risarottu“ í holræsinu

Fundu „risarottu“ í holræsinu
Pressan
Fyrir 3 dögum

Ætla að banna sölu bensínbíla í Kaliforníu

Ætla að banna sölu bensínbíla í Kaliforníu
Pressan
Fyrir 3 dögum

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður