fbpx
Miðvikudagur 28.október 2020
Pressan

Nýtt úrræði í baráttunni við mýflugur – Vara við „Jurrassic Park tilraun“

Kristján Kristjánsson
Mánudaginn 31. ágúst 2020 19:00

Mýfluga. Mynd:Getty Images

Ekki missa af Helstu tíðindum dagsins í pósthólfið þitt

Lesa nánar

Yfirvöld í Flórída hafa veitt heimild til að 750 milljónum erfðabreyttra mýflugna verði sleppt lausum í ríkinu. Markmiðið með þessu er að draga úr fjölda mýflugna sem bera sjúkdóma á borð við zikaveiruna og beinbrunasótt með sér.

BBC skýrir frá þessu. Segir miðillinn að umhverfisverndarsamtök séu allt annað en sátt við þetta. Þau vara við ófyrirséðum afleiðingum á vistkerfið og að úr þessu verði til stökkbreyttar mýflugur sem verði ónæmar fyrir skordýraeitri.

Fyrirtækið Oxitec, sem stendur á bak við verkefnið, fullyrðir að engin áhætta felist í að sleppa mýflugunum lausuum. Allir vilji vernda fólk gegn sjúkdómum á borð við beinbrunasótt og zikaveirunni sem flugurnar geta borið með sér.

Yfirvöld veittu heimild til að sleppa 750 milljónum fluga lausum á tveimur árum og verður hægt að hefjast handa við það á næsta ári.

Samtökin International Center for Technology Assessment and Center for Food Safety telja að þetta sé of áhættusamt.

„Í ljósi allra þeirra vandamála sem landið okkar og Flórída glíma nú við – kórónuveiru, kynþáttamismunun, loftslagsbreytingar – hafa stjórnvöld eytt skattfé og úrræðum í Jurassic Park tilraun,“

sagði Jaydee Hanson, forstjóri samtakanna, að sögn National Post.

Erfðabreytta mýið er að sögn BBC af tegundinni Aedes aegytpi og hefur fengið heitið OX5034. Þessi tegund er þekkt fyrir að bera marga banvæna sjúkdóma með sér. Samkvæmt áætlun á aðeins að sleppa karldýrum lausum sem eiga síðan að parast við kvendýr en það eru bara þau sem stinga fólk. Við pörunina munu karldýrin sprauta skaðlegu prótíni með í kvendýrin en þetta prótín mun erfast til afkvæmanna og drepa þau áður en þau verða nógu gömul til að stinga fólk. Með þessu á að fækka flugunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Aðventuljósin vekja mikla athygli – „Allir með standpínu fyrir framan Jesú“

Aðventuljósin vekja mikla athygli – „Allir með standpínu fyrir framan Jesú“
Pressan
Í gær

Fauci talar gegn Trump – Segir bólusetningu taka marga mánuði

Fauci talar gegn Trump – Segir bólusetningu taka marga mánuði
Pressan
Fyrir 2 dögum

Handtekin á ferðamannastað sem er Íslendingum kær – Sögð hafa reynt að skera kynfæri af fyrrverandi kærasta

Handtekin á ferðamannastað sem er Íslendingum kær – Sögð hafa reynt að skera kynfæri af fyrrverandi kærasta
Pressan
Fyrir 2 dögum

Það eru fleiri en Trump og Biden í framboði í bandarísku forsetakosningunum

Það eru fleiri en Trump og Biden í framboði í bandarísku forsetakosningunum