fbpx
Miðvikudagur 28.október 2020
Pressan

Smitaði alla fjölskylduna af kórónuveirunni – „Ég mun aldrei geta fyrirgefið sjálfri mér“

Kristján Kristjánsson
Miðvikudaginn 26. ágúst 2020 05:41

Kórónuveira. Mynd: BSIP/UIG Via Getty Images)

Ekki missa af Helstu tíðindum dagsins í pósthólfið þitt

Lesa nánar

„Faðir minn er í öndunarvél og því get ég ekki breytt,“ segir í lesandabréfi sem ung ítölsk kona, Martina að nafni, skrifaði í ítalska dagblaðið Corriere Della Sera. Bréfið hefur vakið mikla athygli á Ítalíu þar sem heimsfaraldur kórónuveirunnar hefur haft mikil áhrif. Í því kemur fram að hún hafi farið á diskótek og ekki gætt að sér. Það hafði síðan þær afleiðingar að hún sjálf, faðir hennar, afi og amma og 12 ára frændi smituðust af kórónuveirunni.

„Viku síðar sögðu þeir að gestur á diskótekinu, sem ég var á, hefði greinst með smit. Allir, sem voru þarna þetta kvöld, voru sendir í sýnatöku. Niðurstaðan úr mínu sýni: Jákvætt. Síðan var öll fjölskyldan send í sýnatöku og það var bara móðir mín sem reyndist neikvæð,“

skrifar Martina og segir að hún og vinkonur hennar hafi verið búnar að taka ákvörðun um að halda sig fjarri diskótekum og öðrum lokuðum rýmum þar sem smit getur borist á milli fólks. En þær gerðu eina, afdrifaríka undantekningu á þessu.

„Á laugardegi átti besti vinur minn afmæli og hvernig gátum við sleppt því að fagna því? Við urðum sammála um að ekkert myndi gerast á einu kvöldi og það var upphafið að þeirri hryllingsmynd sem ég upplifi nú,“

skrifar hún.

Allir í fjölskyldu hennar hafa náð sér nema faðir hennar sem er enn alvarlega veikur og hefur verið í öndunarvél í 15 daga.

„Hann berst af öllum mætti en ég get ekki hjálpað honum. Ég get ekki breytt þessu. Ég mun aldrei geta fyrirgefið sjálfri mér.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fauci talar gegn Trump – Segir bólusetningu taka marga mánuði

Fauci talar gegn Trump – Segir bólusetningu taka marga mánuði
Pressan
Fyrir 2 dögum

Ævintýrið er á enda eftir aðeins sex mánuði – Efnisveitan gafst upp

Ævintýrið er á enda eftir aðeins sex mánuði – Efnisveitan gafst upp
Pressan
Fyrir 3 dögum

Það eru fleiri en Trump og Biden í framboði í bandarísku forsetakosningunum

Það eru fleiri en Trump og Biden í framboði í bandarísku forsetakosningunum
Pressan
Fyrir 3 dögum

Há dánartíðni í Bandaríkjunum – Tæplega 300.000 fleiri en vænta mátti

Há dánartíðni í Bandaríkjunum – Tæplega 300.000 fleiri en vænta mátti