fbpx
Fimmtudagur 20.janúar 2022
Pressan

Trump hótar að beita hervaldi ef mótmælin verða ekki bæld niður

Kristján Kristjánsson
Þriðjudaginn 2. júní 2020 04:28

Trump með biblíuna á lofti. Mynd:EPA-EFE/SHAWN THEW

Ekki missa af Helstu tíðindum dagsins í pósthólfið þitt

Lesa nánar

Donald Trump, Bandaríkjaforseti, segist vera „forseti laga og réttar“ og heitir því að binda enda á „uppþot og lögleysu“. Þetta sagði hann í yfirlýsingu í gærkvöldi. Fram kom í máli hans að hann muni láta herinn grípa inn í ef ríkin sjálf ná ekki að bæla niður óeirðirnar sem hafa fylgt í kjölfar dauða George Floyd.

Trump sagðist ætla að nýta öll úrræði alríkisstjórnarinnar til að bæla óeirðirnar niður.

„Í fyrsta lagi ætlum við að binda enda á uppþot og lögleysu sem hefur dreifst um landið okkar. Við stöðvum þetta núna. Í dag fyrirskipaði ég öllum ríkisstjórum að senda mikinn fjölda þjóðvarðliða út á göturnar svo að við ráðum þar lögum og lofum. Ef borg eða ríki neita að grípa til nauðsynlegra aðgerða til að vernda líf og eignir íbúanna mun ég beita bandaríska hernum og leysa þetta vandamál hratt.“

Sky skýrir frá þessu. Þegar Trump hafði lokið máli sínu gekk hann að St John‘s Episcopal kirkjunni sem er þekkt sem The Church of the Presidents en hún skemmdist í eldi í kjölfar mótmæla í síðustu viku. Þar ávarpaði hann viðstadda og hélt á biblíu á meðan hann sagði:

„Við erum besta land heims. Við munum tryggja öryggið hér í landinu.“

Andrew Cuomo, ríkisstjóri í New York, sagði að forsetinn hefði notað lögreglu og þjóðvarðliða til að fjarlægja mótmælendur úr Lafayette Park svo hann gæti gengið til kirkunnar.

„Hann notaði herinn til að fjarlægja friðsama mótmælendur svo hann gæti látið taka mynd af sér við kirkjuna. Þetta er allt raunveruleikasjónvarp í augum forsetans. Skammarlegt.“

Skrifaði hann á Twitter.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Veita gleraugu vernd gegn kórónuveirunni?

Veita gleraugu vernd gegn kórónuveirunni?
Pressan
Fyrir 3 dögum

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir
Pressan
Fyrir 3 dögum

Segja YouTube vera stóra uppsprettu falsfrétta

Segja YouTube vera stóra uppsprettu falsfrétta
Pressan
Fyrir 3 dögum

Mánaða löng vinna við að stilla fókus James Webb geimsjónaukans er hafin

Mánaða löng vinna við að stilla fókus James Webb geimsjónaukans er hafin
Pressan
Fyrir 4 dögum

Síðasta ár var hlýjasta ár sögunnar á Nýja-Sjálandi

Síðasta ár var hlýjasta ár sögunnar á Nýja-Sjálandi
Pressan
Fyrir 4 dögum

Þetta gerist í líkamanum ef þú drekkur ekki áfengi í 4 vikur

Þetta gerist í líkamanum ef þú drekkur ekki áfengi í 4 vikur