fbpx
Miðvikudagur 27.maí 2020
Pressan

Segir að Trump eigi ekki að taka malaríulyf því hann sé „sjúklega feitur“

Kristján Kristjánsson
Miðvikudaginn 20. maí 2020 07:05

Er hann sjúklega feitur? Mynd: Getty Images

Ekki missa af Helstu tíðindum dagsins í pósthólfið þitt

Lesa nánar

Donald Trump,  Bandaríkjaforseti, skýrði frá því í vikunni að hann hefði tekið lyfið hydroxychloroquine daglega undanfarna viku og væri ekki með nein einkenni COVID-19.  Trump hefur áður mælt með notkun lyfsins í baráttunni gegn COVID-19 en læknar eru honum ekki sammála og segja ekki sannað að það komi að gagni.

Nancy Pelosi, leiðtogi demókrata í fulltrúadeild Bandaríkjaþings, gagnrýnir þessa lyfjanotkun forsetans og segir að hann eigi ekki að taka ósamþykkt lyf í forvarnarskyni því hann sé „sjúklega feitur“.

„Hvað varðar forsetann, þá er hann forsetinn okkar og ég vildi frekar að hann sleppti því að taka eitthvað sem hefur ekki verið samþykkt af vísindamönnum, sérstaklega með tilliti til aldurs hans og, eigum við að segja þyngdar, hann er sjúklega feitur segja þeir. Svo ég held að þetta sé ekki góð hugmynd.“

Sagði hún í samtali við CNN.

Trump, sem er 73 ára, fór yfir það viðmið sem er notað fyrir of feitt fólk í febrúar á síðasta ári en þá mældist BMI stuðull hans 30,4. Talað er um sjúklega offitu ef stuðullinn er hærri en 40.

Anthony Fauci, forstjóri bandarísku Ofnæmis- og smitsjúkdómastofnunarinnar, hefur sagt að engar sannanir séu fyrir að hydroxychloroquine komi í veg fyrir kórónuveirusmit en að vísbendingar væru um að það gæti gagnast við meðferð smitaðra.

Niðurstöður rannsóknar, sem hafa verið birtar í læknaritinu BMJ, sýna að ekki var marktækur munur á bata þeirra sjúklinga sem fengu lyfið og þeirra sem fengu það ekki. Bandaríska lyfjaeftirlitið hefur varað við notkun lyfsins hjá COVID-19 sjúklingum vegna hættu á að það valdi hjartsláttarvandamálum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Hér gæti ný og enn hættulegri kórónuveira borist í fólk

Hér gæti ný og enn hættulegri kórónuveira borist í fólk
Pressan
Í gær

Telja að Tom Hagen hafi blekkt lögregluna

Telja að Tom Hagen hafi blekkt lögregluna
Pressan
Fyrir 4 dögum

Lögreglumaður grunaður um rekstur vændishúss

Lögreglumaður grunaður um rekstur vændishúss
Pressan
Fyrir 4 dögum

Portúgal hættir að taka við sorpi frá öðrum Evrópuríkjum

Portúgal hættir að taka við sorpi frá öðrum Evrópuríkjum
Pressan
Fyrir 5 dögum

Honum var rænt fyrir 32 árum – Fyrir 12 dögum kom símtalið

Honum var rænt fyrir 32 árum – Fyrir 12 dögum kom símtalið
Pressan
Fyrir 5 dögum

Þessi sjálfsmynd sendi hann beint í fangelsi – Sérð þú af hverju?

Þessi sjálfsmynd sendi hann beint í fangelsi – Sérð þú af hverju?