fbpx
Fimmtudagur 01.október 2020
Pressan

Þriðji maðurinn blandast í mál Anne-Elisabeth – Alsaklaus og óafvitandi

Kristján Kristjánsson
Mánudaginn 18. maí 2020 05:38

Anne-Elisabeth og Tom Hagen.

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að hvarf Anne-Elisabeth Hagen og morðið á henni (lögreglan telur fullvíst að hún hafi verið myrt) sé eitt umtalaðasta og ótrúlegasta sakamálið í Noregi á síðari tímum. Málið hefur tekið ýmsar stefnur frá því að Anne-Elisabeth hvarf af heimili sínu þann 31. október 2018 og hefur það á köflum eiginlega frekar líkst handriti að sakamálamynd en raunverulegum atburðum í úthverfi norsku höfuðborgarinnar.

Um helgina kom fram að alsaklaus maður hafi blandast inn í málið til viðbótar við þá tvo sem hafa verið handteknir vegna þess en þó látnir lausir. Þeir handteknu eru Tom Hagen, eiginmaður Anne-Elisabeth, og maður um þrítugt sem er sérfræðingur í rafmyntum. Lausnargjaldskrafa var sett fram í upphafi málsins og átti að greiða lausnargjaldið með rafmynt. Lögreglan grunar báða mennina um að eiga aðild að hvarfi Anne-Elisabeth og hugsanlega morði.

Samkvæmt frétt Dagbladet þá hefur netfangið, sem hinir meintu mannræningjar, notuðu til samskipta við Tom Hagen lengi verið ein mikilvægasta vísbending lögreglunnar í málinu. Netfangið var notað til að skrá rafmyntareikning þann sem greiða átti lausnargjaldið inn á og til samskipta við Tom Hagen.

Blaðið segist hafa heimildir fyrir að netfangið tilheyri alsaklausum manni sem tengist Tom Hagen ekki neitt og heldur ekki hvarfi Anne-Elisabeth. Lögreglan er sögð hafa rakið netfangið til manns sem býr í suðurhluta Noregs. Ekki er annað að sjá en netfanginu hafi verið stolið frá honum af þeim sem þóttust hafa rænt Anne-Elisabeth. Lögreglan hefur rætt við manninn sem vill ekki tjá sig neitt um málið við fjölmiðla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Í gær

Þetta var bara geggjað

Þetta var bara geggjað
Pressan
Í gær

Fyrstu kappræður Trump og Biden eru í kvöld – Skattamálin verða væntanlega ofarlega á baugi

Fyrstu kappræður Trump og Biden eru í kvöld – Skattamálin verða væntanlega ofarlega á baugi
Pressan
Í gær

Telur að sænskur kafbátur hafi siglt á Estonia og sökkt ferjunni

Telur að sænskur kafbátur hafi siglt á Estonia og sökkt ferjunni
Pressan
Fyrir 2 dögum

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna
Pressan
Fyrir 2 dögum

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Fyrir 2 dögum

Fundu „risarottu“ í holræsinu

Fundu „risarottu“ í holræsinu
Pressan
Fyrir 3 dögum

Ætla að banna sölu bensínbíla í Kaliforníu

Ætla að banna sölu bensínbíla í Kaliforníu
Pressan
Fyrir 3 dögum

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður