Bandaríska líftæknifyrirtækið Moderna virðist vera líklegt til að geta þróað bóluefni gegn COVID-19 fyrst af öllum. Víða um heim er unnið látlaust að þróun bóluefnis  en hjá Moderna virðist þetta ganga mjög vel. Bóluefnið verður þó fyrst í stað aðeins ætlað ákveðnum þjóðfélagshópi.

Þetta kom fram á fundi forstjóra fyrirtækisins með stjórnendum stórbankans Goldman Sachs. Þar sagði hann að bóluefni verði hugsanlega tilbúið til neyðarnotkunar í haust fyrir starfsfólk heilbrigðiskerfisins.

Þetta kemur fram í upplýsingum sem fyrirtækið sendi til bandarískra kauphalla. Í upplýsingunum kemur fram að forstjórinn, Stéphane Bancel, hafi einnig lagt áherslu á að það geti liðið allt að 12 til 18 mánuðir áður en bóluefnið verður aðgengilegt fyrir almenning.