Laugardagur 27.febrúar 2021
Pressan

Obama, Bush og Clinton bjóðast til að láta bólusetja sig opinberlega – Vilja sýna að bóluefnið er öruggt

Kristján Kristjánsson
Fimmtudaginn 3. desember 2020 06:55

Forsetarnir fyrrverandi á góðri stundu. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Barack Obama, George W. Bush og Bill Clinton, sem allir hafa gegnt embætti forseta Bandaríkjanna, hafa boðist til að láta bólusetja sig opinberlega gegn kórónuveirunni, sem veldur COVID-19, til að sýna almenningi að bóluefnið sé öruggt.

Þeir eru reiðubúnir til að gera þetta í beinni útsendingu um leið og bandaríska lyfjastofnunin hefur heimilað notkun bóluefnis. CNN skýrir frá þessu.

Fram kemur að forsetarnir þrír vonist til að þetta verði til að styrkja trú almennings á öryggi bóluefnisins og virkni þess. Þeir vonast til að það að þeir láti bólusetja sig í beinni útsendingu verði sterk skilaboð til þjóðarinnar en ákveðinna efasemda gætir meðal margra um bóluefni gegn kórónuveirunni og vinna heilbrigðisyfirvöld hörðum höndum að því að sannfæra fólk um að láta bólusetja sig.

Það var George W. Bush sem fyrstur viðraði hugmyndina og ræddi hana meðal annars við Anthony Fauci, forstjóra bandarísku smitsjúkdómastofnunarinnar, og Deborah Birx, sem samhæfir aðgerðir Hvíta hússins við faraldrinum. Talsmaður Clinton sagði CNN í gær að hann væri reiðubúinn til að gera það sama og Bush og láta bólusetja sig í beinni útsendingu ef það gæti orðið til þess að hvetja samlanda hans til að láta bólusetja sig.

Obama var í viðtali í SiriusXM í gær og ræddi þar við Joe Madison. Obama sagði að ef Fauci segi að bóluefnið sé öruggt þá trúi hann honum. „Ég lofa ykkur því að þegar bóluefnið verður í boði fyrir þá sem eru í lítilli áhættu þá mun ég láta bólusetja mig. Kannski geri ég það fyrir framan myndavélar þannig að fólk sjái að ég treysti vísindunum og vilji ekki fá COVID-19.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Greip þá glóðvolga í trekanti

Greip þá glóðvolga í trekanti
Pressan
Í gær

105 ára kona sigraðist á Covid-19 – Hún segir þetta hafa verið lykilinn

105 ára kona sigraðist á Covid-19 – Hún segir þetta hafa verið lykilinn
Pressan
Fyrir 2 dögum

Þýskir og belgískir tollverðir lögðu hald á 23 tonn af kókaíni

Þýskir og belgískir tollverðir lögðu hald á 23 tonn af kókaíni
Pressan
Fyrir 2 dögum

Lögreglan setti allt á fullt þegar hún fann 19 ára pilt bundinn úti i skógi – Ekki var allt sem sýndist

Lögreglan setti allt á fullt þegar hún fann 19 ára pilt bundinn úti i skógi – Ekki var allt sem sýndist
Pressan
Fyrir 4 dögum

WHO segir að hugsanlega hafi kórónuveiran ekki átt upptök í Kína – Beina sjónum sínum að öðru Asíuríki

WHO segir að hugsanlega hafi kórónuveiran ekki átt upptök í Kína – Beina sjónum sínum að öðru Asíuríki
Pressan
Fyrir 4 dögum

AOC safnaði 4,7 milljónum dollara fyrir hrjáða Texasbúa

AOC safnaði 4,7 milljónum dollara fyrir hrjáða Texasbúa