Þetta sagði hann í viðtali við Sky News um helgina. Í viðtalinu ræddi hann einnig um framtíðarsýn sína fyrir breska herinn. Hann sagðist telja að á fjórða áratug aldarinnar samanstandi herinn af 90.000 hermönnum og 30.000 vélmennum. Hann sagðist einnig vilja gera langtímafjárhagsáætlun fyrir herinn svo hægt sé að ráðast í langtímafjárfestingar til að nútímavæða herinn.
Fjármálaráðherrann ákvað nýlega að ekki skyld gerð langtímafjármálaáætlun fyrir herinn vegna óvissunnar sem ríkir vegna heimsfaraldurs kórónuveirunnar. Í staðinn verður gerð áætlun til eins árs.
Í gegnum tíðina hafa efnahagslægðir valdið vandræðum og haft áhrif á öryggismál og sagðist Carter óttast að þetta gæti gerst aftur vegna hins mikla höggs sem efnahagur heimsins hefur orðið fyrir vegna heimsfaraldursins.
„Ég held að við lifum nú í heimi þar sem mikil óvissa og kvíði ríkir. Ég held að það sér raunveruleg hætta, með ansi margar staðbundnar deilur eins og nú eru, að ástandið geti versnað og það leitt til reikningsskekkju og ég tel að við verðum að verjast þessu,“ sagði Carter.
Hann sagði að með reikningsskekkju ætti hann við að fólk átti sig ekki á afleiðingum ákvarðana og gerða sinna og það geri stigmagnað ástandið og áður en varir sé stríð brostið á. Þegar hann var spurður hvort hann væri að segja að hætta væri á þriðju heimsstyrjöldinni sagði hann: „Ég er að segja að það er hætta á því og ég held að við verðum að vera meðvituð um þessa hættu.“
